22 апрелы Дзæуджыхъæуы исын райдайдзысты акци «Посмотри на их лица»-йы архайыны фæдыл курдиæттæ.
9 майы агъоммæ Фыдыбæстæйы Стыр хæсты архайджыты портреттæ фæзындзысты æппæт горæтаг рекламон уæлцъæрттыл – уартытыл, афишæтыл, сити-форматтæ æмæ рухс-диодон рекламон конструкцитыл. 22 апрелæй 26 апрелмæ 14 сахатæй 17 сахаты онг Дзæуджыхъæуы цæрæг адæмæн ис мæнæ ахæм адрисмæ гæсгæ: Ватутины уынг, 17, кусæнуат 311 – курдиат барвитыны бар. Æппæт фарстаты фæдыл фæдзурут мæнæ ахæм телефонæй: 8 (8672) 53-59-77.
Ацы аз ветеранты портреттæ æвæрыны фæтк фæивта.
«Акцийы архайын кæй фæнды, уыцы адæмы нымæц рекламон фæзтæ дæттыны фæдыл горæты фадæттæй фылдæр кæй у, уый нымайгæйæ, иу баннерыл æрæвæрдзыстæм ветеранты æппынкъаддæр дыууæ портреты. Дзæуджыхъæуы администрацимæ чи бахатыд, акцийы уыцы архайджытæн хæсты ветеранты портреттæ лæвар сараздзысты æмæ сæ электронон рекламæхæсджытыл сæвæрдзысты», – фыст ис нæ республикæйы сæйраг горæты администрацийы хъусынгæнина-джы.
Дзæуджыхъæуы администрацийы
пресс-службæ
