Ацы аз ахуырадмæ исыны афон Цæгат Ирыстоны паддзахадон медицинон академийы ногдзинæдтæ фæзындзысты.
Академи фыццаг хатт «Фармаци»-йы дæсныйадмæ гæсгæ астæуккаг профессион ахуырад райсынæн абитуриентты ахуырадмæ исдзæн. Ахуыргæнæндон кæй бацæттæ кæна, уыцы фармацевттæ кусдзысты фармацевтон æмæ хосаразæг кусæндæтты, стæй афтекты. «Фармаци»-йы дæсныйадмæ гæсгæ ахуырадрайсæг адæмæн фæллойы базары ис бирæ кусæн бынæттæ.
Уымæй уæлдай, фидæны ахуыры аз фыццаг хатт «Пластикон хирурги»-йы дæсныйадмæ гæсгæ ординатурæмæ ахуыр кæнынмæ адæмы исдзысты, æмæ афтæмæй нæхи медицинон академийы дипломджын пластикон хирургтæ ахуырад кæмæн амоной, фæзындзысты нæм ахæм хъæугæ специалисттæ.
Цæгат Ирыстоны
паддзахадон
медицинон академийы
пресс-службæ
