АРФÆ Сихъоты Иваны фырт Сосланæн йæ 75 азы юбилейы фæдыл

0
34

14 майы нæ мыггаджы кадджын æмæ намысхæссæг, нæ инæлар æфсымæр Сихъоты Сосланæн уыдис йæ юбилей. Уый фæдыл ын мах кæнæм зæрдиаг арфæтæ. Стыр Хуыцаумæ кувæм æмæ дзы курæм дæуæн бинонты амонд, стæй бирæ азты цæрæнбон.
Дæ фынддæс æмæ æртиссæдз азы дыл куыд рæсугъдæй ацыдысты, афтæ дзæбæхæй дæ сæдæ азы сæрты куыд ахизай, уыцы арфæ дæ уæд! Нæ ирон рагфыдæлтæй ахæм ныхас баззад: «Лæгæй цæмæй хорз зæгъай, уый тыххæй йын, фыццаджыдæр, фæкæсынц йæ зондахаст, хъару æмæ удыхъæдмæ». Уымæ гæсгæ нæ бон фидарæй зæгъын у, царды мидæг æцæг куырыхон лæгмæ цыдæриддæр хорз ми-
ниуджытæ ис – лæгдзинад æмæ рæстдзинад, йæ ныхасæн хицау уæвын, адæмæн арфæйаг лæггад кæнын, уыдонæй се ‘ппæтæй дæр хайджын у Сихъойы-фырт. Уымæй уæлдай ма у нæртон æгъдаухæссæг цины дæр, хъыджы дæр балæууы, бирæ лæггæдтæ дзы чи зоны, уыцы сыхæгтæ, æрвадæлтæ, къабæзтæ, зонгæтæ æмæ æрдхæрдты фарсмæ. Куы бахъæуы, уæд – цины фынгæн æгъдау раттынмæ, зианы раныхас кæнынмæ.
Нæ инæлар æфсымæр, цы хорз кæстæртæ дын ис, уыдоны хорздзинæдтæ æмæ хуртæй райæд дæ зæрдæ! Дæ цардæмбал Заремæимæ æнæниз æмæ амондджынæй уæ сæдæ азы сæрты акæсут! Лæг йæхи амондджын уæд фæхоны, йæ кæстæртæ дзæбæх æмæ рæсугъд фæндæгтыл æвæрд куы вæййынц. Инæлар-майор Сихъоты Сослан Мидхъуыддæгты министрады фæ-
куыста иу æмæ дыууиссæдз азы. Уал азмæ райста уæлдæр хицауадæй бирæ хæрзиуджытæ: орден «За личное мужество», «Фыдыбæстæйы раз сгуыхтдзинæдты тыххæй» орден, дыккаг къæпхæны майдан «Ирыстоны намысæн», майдан «За безупречную службу» 1-аг, 2-аг, 3-аг къæпхæнтæ, майдан «За доблесть в службе», орден «За службу России» æмæ æндæртæ.
Милицæйы инæлар-майор Сихъоты Сослан дыууадæс азы размæ æвзæрст æрцыд УФ-йы Мидхъуыддæгты министрады Цæгат Кавказы федералон зылды Сæйраг управленийы æхсæнадон советы сæрдарæй. Фæрнæй дзы кусæд бирæ азты дæргъы!

Ацы арфæтæ дын кæнынц, бирæ дæ чи уарзы, уыцы æфсымæртæ

ОСТАВЬТЕ ОТВЕТ

Please enter your comment!
Please enter your name here