РЦИ-Аланийы Сæргълæууæг Сергей МЕНЯЙЛО 23 майы хатдзæгтæ скæндзæн республикæйы социалон-экономикон рæзты сæйрагдæр рахæцæнтæй æмæ РЦИ-Аланийы Хицауады 2023 азы куысты бæрæггæнæнтæй.
Раныхасы фæбæрæг кæндзæн республикæйы сæйрагдæр рæзты фæндæгтæ, разамынды хæстæ хæстæгдæр рæстæгмæ. Раныхасы архайдзысты Федерацийы Советы уæнгтæ, Паддзахадон Думæйы депутаттæ, министрты кабинет, муниципалон скондты, политикон партиты, æхсæнадон организациты минæвæрттæ æмæ сæ фæллойадон сгуыхтдзинæдты фæрцы раззагдæр бынæттæм рацæуæг республикæйы цæрджытæ, дзыллон хабархæссæг фæрæзты кусджытæ.
Ныхас райдайдзæн 12 сахатыл, комкоммæ эфиры йæ дæтдзæн национ телеуынад «Осетия-Ирыстон». Адæмы бон уыдзæн хъусын Сергей Меняйлойы раныхасмæ аккаунттæ «Telegram» æмæ «ВКонтакте»-йы, Цæгат Ирыстон-Аланийы официалон сайты, «YouTube»-ы, «Осетия-Ирыстон»-ы «Telegram»-ы, телерадиокомпани «Алани» æмæ радио «Алани»-йы.
РЦИ-Аланийы Сæргълæууæджы æмæ Хицауады пресс-службæ
