Кæстæртыл аудынц

0
17

Фыдбылызæй бахизæн дзыллон мадзал «Внимание: дети!»-мæ гæсгæ Алагиры районы мидхъуыддæгты хайады автоинспектортæ фæндагыл цæуыны æвзонг инспектортимæ иумæ баххæст кодтой акци «Безопасность на дорогах начинается с семьи».

Акцийы хæс у сывæллæтты архайдимæ фæндагон-транспортон бæллæхтæй адæмы бахизын, стæй фæндагыл цæуыны фæтк биноныг æххæст кæнын кæй æмбæлы (уыимæ – хæдтулгæйæ сывæллæтты ласыны, стæй фæндаджы сæрты цæуыны рæстæг дæр), уый адæмæн ноджыдæр ма иу хатт бамбарын кæнын.
Уыцы бон Алагиры центрон уынджы фенæн уыд фæндагон-транспортон службæйы æнахуыр кусæджы. Горæты 5-æм скъолайы дыккæгæм къласы ахуырдзау, фæндагыл цæуыны æвзонг инспекторты къорд «Светофор»-ы уæнг Богъаты Руслан йæ фыды – Алагиры районы мидхъуыддæгты хайады автоинспектор, пъæлицæйы хистæр лейтенант Богъаты Аланы – разамындæй Хетæгкаты Къостайы уынджы цæуæг транспортмæ цæст дардта. Фыд æмæ фырт æххæст кодтой акци «Безопасность на дорогах начинается с семьи».
Пъæлицæйы кусæджы фæлыст кæуыл уыд, уыцы æвзонг автоинспектор хæдтулгæскъæрджытæн фæдзæхста скъæрæджы документтæ йын равдисын, стæй фæндагыл цæуыны фæтк бæстон æххæст кæнын (уæлдайдæр та – скъолатæ æмæ æхсæнадон транспорты æрлæууæнтæм æввахс рæтты). Ныхасы кæрон хæдтулгæскъæрджытæн лæвæрдтой информацион сыфтæ.
Акци æххæст кæныны рæстæг Алан йæ фыртæн радзырдта автоинспекцийы куыст æмæ фæндагыл цæуыны фæткы тыххæй хабæрттæ. Фæлтæрты кæрæдзиимæ бастдзинад халын не ’мбæлы. Æвзонг автоинспектор фидæны йæ фыды дæсныйад равзарыны фæнд скодта. Иуцасдæр рæстæджы фæстæ ныры кæстæркъласон Богъаты Руслан автоинспекцийы кусæг кæй суыдзæн, ууыл зæрдæ дарæн ис.
Паддзахадон автоинспекци фæндагыл цæуыны æппæт архайджытæн фæдзæхсы фæндагыл цæуыны фæтк биноныг æххæст кæнын. Ныййарджытæ сæ цотæн иудадзыг фæндагыл цæуыны фæтк амонæнт.
Фиппаинаг: акци баххæст кодтой Бинонты – 2024 – азы дзыллон мадзæлттæм гæсгæ.

ГÆЗЗАТЫ Зæринæ,
Алагиры районы
мидхъуыддæгты
хайады инспектор

ОСТАВЬТЕ ОТВЕТ

Please enter your comment!
Please enter your name here