2024 азы фыццæгæм кварталы розницæйы базарады зилдухы бæрц рауад 41188,0 милуан сомы, ома, фароны уыцы рæстæгимæ абаргæйæ, абаргæ æргътæй нымайгæйæ, 6,6% фылдæр.
2024 азы фыццæгæм кварталы базарадон кусæндæтты æмæ индивидуалон амалиуæггæнджыты розницæйы базарады бæрц рауад 30598,8 милуан сомы, ома, фароны уыцы рæстæгимæ абаргæйæ, 4,6% фылдæр. Базарадон кусæндæтты æмæ индивидуалон амалиуæггæнджыты хай розницæйы базарады зилдухы рауад 74,3% (2023 азы фыццæгæм кварталы — 75,7%).
Розницæйы базартæ æмæ армукъаты ауæйчындæуыд 10589,1 милуан сомы аргъ товартæ, ома, фароны уыцы рæстæгимæ абаргæйæ, 12,6% фылдæр.
2024 азы фыццæгæм кварталы розницæйы базарады зилдухы структурæйы хойраджы бæрц (нозт æмæ тамакотæ нымайгæйæ) рауад 52,0%, промышленнон товарты бæрц та — 48,0% (2023 азы фыццæгæм кварталы — 51,7% æмæ 48,3%).
2024 азы фыццæгæм кварталы адæмæн ауæй кодтой 21419,8 милуан сомы аргъ хойраг (нозт æмæ тамакотæ нымайгæйæ), стæй 19768,2 мил-уан сомы аргъ промышленнон товартæ. Товарон бæрцæй нымайгæйæ, фаронимæ абаргæйæ, уый у 105,7% æмæ 107,6%.
2024 азы фыццæгæм кварталы ауæй кодтой 563,1 милуан сомы аргъ карз нозт æмæ бæгæны, ома, фароны уыцы рæстæгимæ абаргæйæ, абаргæ æргътæй нымайгæйæ, 6,9% фылдæр. Фарон куыд уыд, афтæ ацы аз дæр карз нозты хайон бæрц розницæйы базары зилдухы рауад 1,4%.
2024 азы мартъийы кæрон розницæйы базарады кусæндæтты уыд 62 боны дæргъы уæй кæнынæн фаг 5887,7 милуан сомы аргъ товартæ.
2024 азы фыццæгæм кварталы æхсæнадон хæлцы зилдухы бæрц рауад 1997,3 милуан сомы, ома, фароны уыцы рæстæгимæ абаргæйæ, абаргæ æргътæй нымайгæйæ, 14,7% фылдæр.
