Дзæуджыхъæуккаг микрорайон «Ног горæт»-ы дарддæр цæуы иумæйагахуырадон ног скъолайы арæзтад. Уый тыххæй «Рæстдзинад»-æн фехъусын кодтой РЦИ-Аланийы Арæзтад æмæ архитектурæйы министрады пресс-службæйы.
Пресс-службæйы минæвары ныхасмæ гæсгæ, 550 ахуырадон бынаты кæм уыдзæн, уыцы скъолайы арæзтад хъуамæ ахицæн уа 2024 азы кæронмæ.
Аразджытæ ныридæгæн бакодтой сисамайæн æмæ иннæ бындурæвæрæн куыстытæ, æппæт бæстыхæйтты сæртæ дæр æрæмбæрзтой. Сæрмагонд бригадæтæ ныртæккæ кусынц мидæггаг коммуникацитыл: уадзынц электрон тых æмæ хъармдæттæн, донуадзæн-канализацион, вентиляцион æмæ иннæ хæтæлтæ. Уыцы иу рæстæг бæстыхæйтты пъолтæ æмбæрзын райдыдтой аив плиткæ æмæ керамогранитæй. Тагъд рæстæг бавнал-
дзысты мидæггаг аивгæнæн куыстытæм дæр. Уый фæстæ та – скъолайы алфамбылайы фæлгонцадмæ.
Арæзтад æмæ архитектурæйы министрады пресс-службæйы куыд фæбæрæг кодтой, афтæмæй ног скъолайы проекты иумæйаг аргъ у 750 милуан сомы бæрц. Аразгæ та йæ кæнынц фыццаградон национ проект «Ахуырад»-ы дæлпрограммæ «Нырыккон скъола»-йы уагæвæрды бындурыл. Уыимæ, микрорайон «Ног горæт»-ы уый суыдзæн фыццаг скъола.
КАЛМАНТЫ Аслан
