Цӕгатирыстойнаг Мӕрзойты бинонтӕ хаст ӕрцыдысты Ӕппӕтуӕрӕсеон конкурс «Афӕдзы бинонтӕ»-йы уӕлахиздзауты номхыгъдмӕ.
Нӕ бӕстӕйы алыхуызон регионтӕй конкурсы архайдтой чысыл хъуагӕй 400 бинонтӕ. Мӕрзойты бахастой номинаци «Бирӕсывӕллонджын бинонтӕ»-йы раздзогты номхыгъдмӕ. Авд сывӕллоны хъомылгӕнӕг Самсон ӕмӕ Иринӕ зӕгъынц:
— Иудзинад, фидыд ӕмӕ кӕрӕдзийӕн ӕххуыс нымад сты бинонты амондджын царды сӕйраг рахӕцӕныл.
Бинонты сӕргълӕууӕг Мӕрзойты Самсон у Троицӕ-Сергиевы аргъуаны дзӕнгӕрӕгӕн (уый у Уӕрӕсейы ӕппӕтӕй егъаудӕр архайӕг дзӕнгӕрӕг) проект «Царь-колокол»-ы автор. Самсоны цардӕмбал Иринӕ архайдта ӕппӕтуӕрӕсеон ӕмӕ регионалон равдыстыты, Третьяковы галерейы, Мӕскуыйы Кремлы ӕмӕ ӕндӕр уӕрӕсейаг музейты ӕмбырдгӕндтӕй Андрей Рублевы уазнывты халдихтӕ арӕзта.
Конкурсы уӕлахиздзаутӕн арфӕ кӕнӕм! Мӕрзойты ӕвӕджиауы бинонты ӕмӕ сӕ рӕсугъд цоты нымайӕм ацы бинонты сӕйраг уӕлахизыл. Нӕ зӕрдӕ сын алыхуызон хорздзинӕдтӕ зӕгъы! — ныффыста нӕ республикӕйы Сӕргълӕууӕг Сергей Меняйло йӕ телеграм-каналы.
