Сочийы уыд III дунеон фестиваль-конкурс «Жемчужина Черноморья». Архайдтой дзы зарæггæнджытæ æмæ музыкалон коллективтæ Астрахань, Краснодар, Цæгат Ирыстон æмæ æндæр республикæтæй. Сæ дæсныйадæн сын аргъ кодта профессионалон жюри. Йæ уæнгтæ уыдысты режиссер-æвæрæг, сценарист, хорео графийы режиссурæ æмæ дæсныйады ахуыргæнæг Вадим Пакутнев (Мæскуы), хореограф, Мæскуыйы Уырыссаг театры академийы хореографион дисциплинæтæ амонæг, дунеон конкурсты лауреат, кафджыты шоу «Танцы без правил» æмæ «Минута славы»-йы уæлахиздзау Альберт Верхоляк æмæ Уæрæсейы Федерацийы культурæйы сгуыхт кусæг, Хъæрæсе-Черкессийы республикæйы адæмон артист Хуыгаты Эдуард.
Елхоты Культурæйы галуаны ансамбль «Струнки» адæмон инструменттыл цæгъдынæй номинацийы сси конкурсы уæлахиздзау. Æвзонг музыканттæ балалайкæтыл афтæ рæсугъд æмæ дæсны ацагътой, æмæ сыл жюрийы уæнгтæ сæ цæст æрæвæрдтой. Сæ аивадон разамонæг Реуазты Аланимæ сæ схорзæхджын кодтой конкурсы «Гран-При»-йæ.
Нæ редакцийы номæй сын зæрдиаг арфæ кæнæм. Ног æнтыстдзинæдтæ, ног уæлахизтæ уæ хай!
