Бетъырбухы Мариинаг паддзахадон академион театры филиал – Цæгат Ирыстон-Аланийы филармонийы уыд æрыгон дирижер, Мæскуыйы Петр Чайковскийы номыл паддзахадон консерваторийы æртыккаг курсы студенткæ, нæ бæстæ æмæ дунеон конкурсты лауреат Хъарданты Зæлинæ æмæ Дзæуджыхъæуы Гергиты Валерийы номыл Аивæдты колле-
джы рауагъдон, ныр Мæскуыйы Гнесинты номыл Музыкæйы академийы студент, республикон æмæ нæ бæстæйы, дунейы музыкалон конкурсты уæлахиздзау Тедеты Азæмæты иумæйаг концерт.
Филармонийы паддзахадон оркестр Хъарданты Зæлинæйы разамындæй ацагъта номдзыд композитортæ Антонин Дворжакы фарæстæм симфони, Владимир Зубицкийы концерт симфонион оркестр æмæ аккордеонæн, Æлборты Феликсы «Кадæг симфонион оркестр æмæ ирон фæндырæн».
Концерты архайдтой æмæ нæ курдиатджын æрыгон музыкантты æрм-
дзæфæн аккаг стыр аргъ скодтой нæ республикæйы Культурæйы министрады бæрнон кусджытæ, Композиторты цæдисы уæнгтæ, Гергиты Валерийы номыл Аивæдты колледжы разамынд, ахуыргæнджытæ æмæ студенттæ, культурæйы архайджытæ, аивадуарзджытæ.
Ирон фæндыр æмæ аккордеонæй симфонион оркестримæ цагъта Тедеты Азæмæт.
Концерт амыдта æмæ Хъарданты Зæлинæ æмæ Тедеты Азæмæт, стæй концерты кæй уацмыстæ зæлыдысты, уыцы композиторты цард æмæ сфæлдыстадон фæндаджы тыххæй радзырдта музыкæиртасæг, Республикæ Цæгат Ирыстон-Аланийы адæмон артисткæ Маринæ Ядых.
Гасанты Валери,
къам систа
Тменаты Барис
