«Россети Цæгат Кавказ»-ы филиал «Цæгкавказэнерго»-йы специалисттæ ацы азы 10 мæймæ сæйраг электрон тыхтæм баиу кодтой 1448 ног объекты. Уыдонæн бахъуыд хъомысы 33 мегаваттæй фылдæр.
Технологон æгъдауæй фæлхасгæнæджы инвестицион программæйы фæлгæты баиу кæныны тыххæй энергетикты бахъуыд 15 километры электрон ног телтæ ауадзын, сæ хъомыс – 0,4/6-10 кв. Сæвæрдтой уæлæмхасæн 6 трансформаторон дæлстанцæйы, сæ иумæйаг хъомыс – 1,4 МВА.
Уыцы нысантæн лæвæрд æрцыд 66,4 милуан сомы. Электрон хызты инфраструктурæмæ æрбаиу кодтой бирæуæладзыгон æмæ хицæн адæймæгты хæдзæрттæ, фермерон æмæ хи хæдзарæдтæ, цæхæрадæтты хæйттæ æмæ гаражтæ, агропромышленнон комплексы бæстыхæйттæ, чысыл æмæ рæстæмбис амалхъомады куыстуæттæ.
Электрон тыхæй сифтыгътой, национ проекттæ æмæ паддзахадон программæты руаджы арæзт, социалон æгъдауæй ахадгæ кусæндæттæ. Ныртæккæ «Цæгкавказэнерго»-йы специалисттæ ног фæлхасгæнджыты электрон тыхтæм баиу кæныны тыххæй дарддæр уадзынц уæлдæфон æмæ кабелæй конд телтæ.
Техникон мадзæлтты руаджы регионы фæлхасгæнджытæ ифтонг уыдзысты электрон тыхæй, электрон хызтæм технологон уавæрæй æрбаиу уæвыны уавæртæ фæзындзысты.
«Цæгкавказэнерго»-йы
пресс-службæ
