Цæгат Ирыстоны паддзахадон университеты ирон филологийы факультетæн бирæ бастдзинæдтæ ис нæ егъау паддзахады уæлдæр ахуырадон уагдæттимæ. Саразынц фембæлдытæ, кæрæдзийæн сæ фæлтæрддзинадæй фæхай кæнынц.
Афтæ та ацы бонты факультетмæ уазæгуаты ссыдысты Башкортостаны Республикæйы Ахуырад æмæ наукæйы министрады национ ахуырады хайады хицау Розалия Сафиулина, республикæйы сæйраг горæт Уфайы наукон-информацион-методикон центры методист Зульхизæ Валлиулина.
Уазджытыл æхсызгонæй сæмбæлдысты ирон филологийы ахуыргæнджытæ æмæ студенттæ, стæй РЦИ-Аланийы Ахуырад æмæ наукæйы министрады национ ахуырад æмæ æвзæгты политикæйы хицау Нæкуысаты Иринæ.
Башкирийы минæвæрттæн цины хос уыди, арфæйы дзырд сын ирон студенттæ сæхи мадæлон, ома, башкираг æвзагыл кæй загътой, уый. Фембæлды зæрдиаг ныхас цыди, абон национ æвзæгтæ цы цæлхдуртыл æмбæлынц, уый тыххæй, æмæ, куыд сбæрæг, афтæмæй уыцы зындзинæдтæ æмхуызон сты. Сæ сæрты куыд хизынц дыууæ респуб-ликæйы, уый тыххæй дæр, кæй зæгъын æй хъæуы, сæ фæлтæрддзинадæй кæрæ-дзийæн фæхай кодтой.
Уазджытæн сарæзтой культурон программæ – фенын сын кодтой Цæгат
Ирыстоны алæмæты рæсугъд бынæттæ, фæхуыдтой сæ ЦИПУ-йы Аланийы рагзаманты музеймæ. Фембæлдæй йæ архайджытæ разыйæ баззадысты, баныхас кодтой, дарддæр дæр сæ бастдзинад фидардæр кæныныл кæй архайдзысты.
ГАПБАТЫ Алетæ
