Ацы аз Цæгат Ирыстоны Иугонд паддзахадон фæлварæнмæ цæттæгæнæн центры нымæц фæфылдæр уыдзæн – кæд нырмæ 12 уыдысты, уæд ацы аз та – 18. Паддзахадон аттестацийы бæрæггæнæнтæ бахынцгæйæ, уый тыххæй фехъусын кодта республикæйы ахуырад æмæ наукæйы министр Алыбегты Эллæ.
Министр куыд фæбæлвырд кодта, афтæмæй центртæ байгом сты республикæйы æппæт ра-йонты æмæ Дзæуджыхъæуы РЦИ-Аланийы Сæргълæу-уæг Сергей Меняйлойы фæдзæхстмæ гæсгæ, уымæн æмæ сбæрæг ис сæ ахадындзинад, фæлварæн дæтгæйæ.
Фарон фæлварæн дæттыны кампани ацыд æнæкъуылымпытæй, æндæразимæ абаргæйæ, 2024 азы æртæ хатты фæкъаддæр, баллтæ кæмæн не сфаг, фæлварæн дæтгæйæ, уыцы ахуырдзауты нымæц.
Лæмбынæг æркæсгæйæ, ахæм бæрæггæнæнтæ райсынæн фæпайда сты, фæсурокты архайды прог-раммæтæй пайдагонд кæй цыди, уæлæмхасæн æмæ профилон предметтæ арфдæр кæй ахуыр кодтой, стæй фæлварæнтæ тренировкæты хуызы арæзт кæй цыдысты, æмæ иннæ ахæм мадзæлтты руаджы.
ГАПБАТЫ Алетæ
