Зындгонд куыд у, афтæмæй 2025 азы райдайæны Уæрæсейы цæрджыты фæдзæхстадон пенситæ æрцыдысты индексацигонд 7,3 проценты бæрцæй. Уыимæ, Президент Владимир Путины уынаффæйæ 1 февралæй фæстæмæ амынд пенситы индексацийы бæрц ногæй банымадтой æмæ йæ систой 9,5 процентмæ.
Азы райдайæны уæрæсейæгты социалон пенситыл бафтыд 7,3 проценты (ома, 2024 азы инфляцийы рагагъоммæ бæрц). Фæлæ ивгъуыд азы бæрæггæнæнтæ бæстон нымад куы æрцыдысты, уæд «Росстат» фехъусын кодта инфляцийы кæронбæттæн бæрц – 9,5 проценты.
Уыцы æууæл хынцгæйæ æмæ Президенты амынддзинад æххæст кæнгæйæ, Социалон фонды специалисттæ февралы райдайæны ногæй индексаци скодтой фæдзæхстадон пенситæн æмæ сæ банымадтой инфляцийы ног бæрæггæнæнмæ гæсгæ, ома, 9,5 проценты бæрцæй. Уыимæ, ацы мæй пенсиисджытæ райсдзысты, январы хыгъдмæ сын цы уæлæмхасæн индексаци (7,3 процентæй 9,5 проценты онг) скодтой, уый дæр.
«Æппæт уыцы уæлæмхасæн фиддонтæ дæр адæм райсдзысты февралы. Уый тыххæй Социалон фондмæ цæуын, кæнæ курдиат æрвитын нæ хъæуы – æппæт социалон пенситæн дæр скодтам индексаци 9,5 процентæй», – радзырдта УФ-йы Социалон фонды Цæгат Ирыстоны хайады разамонæг Милдзыхты Аслан.
Социалон фонды фæбæлвырд кодтой ахæм æууæл дæр. Зындгонд куыд у, афтæмæй амынд индексаци ацы азы райдайæнæй фæстæмæ æххæссы, кусгæ чи кæны, уыцы пенсиисджытыл дæр.
Уæрæсейы
Социалон фонды
цæгатирыстойнаг
хайады пресс-службæ
