Цæгат Ирыстоны Хицауады Сæрдар Дзанайты Барис видеобастдзинады руаджы архайдта Уæрæсейы Федерацийы Хицауады Сæрдары хæдивæг Александр Новак артаджы сæвзæрæг уавæры тыххæй цы æмбырд сарæзта, уым. Архайдтой дзы федералон хицаудзинады оргæнтæ, регионты разамонджытæ æмæ къабазы компаниты минæвæрттæ.
Регионты сæргълæуджытæ фехъусын кодтой, артаг ма сæм цас фæстауæрцгонд ис, уый, стæй загътой сæ хъуыдытæ субъектты артаг хъуаг ма ‘руадзынæн уæлæмхасæн мадзæлтты тыххæй. Къабазы кусæг компаниты хицæуттæ радзырдтой нефты продукттæ регионтæм куыд хæццæ кæнынц æмæ сæхимæ райст хæстæ куыд æххæстгонд цæуынц, уый тыххæй.
Æмбырды архайджытæ сæрмагонд æргом аздæхтой хъæууонхæдзарадон куыстуæттæн фаг артаг раттыны фарстамæ хорæфснайæнты афон. Фермертæ æмæ хъæууонхæдзарадон къабазы куыстуæттæ артагæй ифтонг кæныны хъуыддагмæ иудадзыг каст цæуы.
Александр Новак бахахх кодта федералон æмæ регионалон хицауады оргæнты æмгуыстады ахсджиагдзинад. Регионты фылдæр æргом аздахын хъæуы, цæмæй артаджы фæрæзтæ хæдзардзинæй хардзгонд цæуой, абоны уæззау уавæр хынцгæйæ. Уымæй уæлдай ма, фæдзæхст æрцыд алы субъекты дæр мониторинг аразын артаджы аргъæн, нефты продукттæй хъуагдзинад æййафын æмæ логистикон цæгты куысты тыххæй. Уавæрмæ гæсгæ регионалон хицауад иудадзыг хъуамæ æмбырд кæной бæрæггæнæнтæ æмæ центрмæ дæттой æмбæлгæ информаци.
РЦИ-Аланийы Сæргълæууæг æмæ Хицауады пресс-службæ
