Ацы аз политикон парти «Иугонд Уæрæсе» æмæ бæстæйы Рухсады минис-
трады проектмæ гæсгæ, сцалцæг кæндзысты ахуырады чысыл хъуагæй 1,5 мин объекты. Ацы хабар фехъусын кодтой парти æмæ министрады иумæйаг æмбырды архайджытæ.
Цалцæггæнæн куыстытæ æххæстгонд æрцæудзысты канд 1277 скъолайы нæ, фæлæ ма фыццаг хатт 142 рæвдауæндоны æмæ 77 колледжы дæр.
Партийы Генералон советы нымæрдар Владимир Якушев куыд загъта, афтæмæй хæстæгдæр æртæ азы дæргъы «Иугонд Уæрæсе»-йы адæмон программæмæ гæсгæ ахуырады чысыл хъуагæй 4,5 мин объекты бындуронæй цалцæггонд æмæ арæзт æрцæудзысты. Хицауы бынатахсæг адæймаджы ныхасмæ гæсгæ, амынд программæ куыд æххæст кæндзысты, уымæ цæстдард уыдзæн.
– Дыууæ мин дыууын дыккæгæм азæй нырмæ скъолаты 4932 бæстыхайы цалцæггонд æрцыдысты. Фарон кæй сарæзтæуыд, уыцы дыууæсæдæ нæ-
уæдз æртæ ног скъолайы бынæттæ ис дыууæсæдæ æвдай мин скъоладзауæн. Дыууæсæдæ цыппор æхсæз мин бынаты кæм ис, 2019 азæй нырмæ нæ
бæстæйы кусын райдыдтой мин æхсæзсæдæ æстай аст ахæм рæвда-
уæндоны, – зæгъы Владимир Якушев.
Президенты программæмæ гæсгæ, хи хæстæ чи баххæст кодта, бæстæйы рухсады министр Сергей Кравцов уыцы регионтæн бузныг загъта.
– Ног рæдыдтытæй æмæ æмгъуыдты раивдæй хызт цæмæй уæм, уый тыххæй æз хæссын мæнæ ахæм фæндон: ахуырады инфраструктурæйы рацарæзт æнтыстджынæй æххæстгæнæг регионтæ цæст дарæнт «сырх» тæлммæ хауæг регионтæм. Фыццæгæм сентябры бындурон цалцæггæнæн куыстыты фæстæ скъолаты, рæвдауæндæттæ æмæ колледжты æстай проценты хъуамæ байгом уой. Ацы аз цалцæггæнæн куыстытæ афоныл чи нæ баххæст кæна, иннæ аз уыцы регионты федералон бюджетæй фæрæзтæ бауромдзысты, æмæ ацы фæрæзтæ регионалон бюджетты хардзæй бафидын бахъæудзæн. Скъолаты нымæц нæ фæкъаддæр кæндзыстæм, фæлæ федералон бюджетæй фæстæзад регионтæм æфтæг фæрæзты бæрц фæцыбыр кæндзыстæм, – загъта министр.
Фæстагмæ партийы Генералон советы нымæрдар регионты минæвæрттæн бафæдзæхста 2040 азы æмгъуыдмæ ахуырады райрæзты стратегийыл æрныхас кæнын.
– Президенты бардзырдмæ гæсгæ кæй бацæттæ кодтам, æппæт регионтæн фæдзæхсын уыцы документыл æрныхас кæнын. «Иугонд Уæрæсе» уæ фæндæттæ æмбырд кæнынмæ цæттæ у. Мæ хъуыдымæ гæсгæ, ацы документæй нæ бæстæйы фидæн аразгæ у. Нæ фæсивæд ахуыргæнæндæттæй кæимæ рацæудзысты, уыцы зонындзинæдтæй аразгæ уыдзæн Уæрæсейы ерысхъомдзинад, – загъта Владимир Якушев.
Уæ зæрдыл уын лæууын кæнæм: 2021 аз «Иугонд Уæрæсе»-йы съезды ныхас кæнгæйæ, бæстæйы Президент Владимир Путин бахаста скъолаты бындурон цалцæгкæнынады программæ бацæттæ кæныны фæндон. Парти ацы программæ æххæст кæны Рухсады министрадимæ иумæ. Паддзахадон думæйы депутаттæ, партийæ сенатортæ, ныййарджытæ æмæ педагогтæ кæдæм хауынц, ахæм æхсæнадон штабтæ цалцæггæнæн куыстыты æппæт къæпхæнтæм цæст дарынц. Фаронæй фæстæмæ программæйы архайынц ног регионтæ дæр.
«Иугонд Уæрæсе»-йы цæгатирыстойнаг хайады пресс-службæ
