Уæрæсейы Национ гвардийы æфсæдты федералон службæйы цæгатирыстойнаг управленийы дзæуджыхъæуккаг иугонды бындурыл скодтой амынд æфсæдты Цæгат Кавказы зылды сæрмагонд нысаниуæджы центры хæстон æмæ сæрмагонд цæттæкæнынады хайæдты разамонджыты ахуырадон-методикон ахуыртæ.
Цалдæр боны дæргъы ахуырадон центр «Комгæрон»-ы полигонмæ æрбацæуæг афицертæ æххæст кодтой теоретикон æмæ практикон ахуырад. Уымæй уæлдай, сæрмагонд хæстон уавæрты заман тактикон уагæй архайын æмæ хъыгдардбаййафджытæн медицинон æххуыс кæнын куыд æмбæлы, æфсæддон службæгæнджытæн уыдæттæ дæр амыдтой. Уæлдай фылдæр æргом аздæхтæуыд æнæпилотон тæхæн аппаратты ныхмæ архайыны хъуыддагмæ.
Æмбырды рæстæг ахуырты разамонæг, Национ гвардийы æфсæдты Цæгат Кавказы зылды хæстон цæттæкæнынады хайады хицау, булкъон Эдуард Назаров афицертимæ æрныхас кодта лыггæнинаг фарстатыл, стæй ахуырты программæмæ ивддзинæдтæ бахæссыны тыххæй фæндæттæм байхъуыс-та. Ныхасы архайдтой амынд æфсæдты территорион управленийы хицау, пъæлицæйы инæлар-майор Валерий Голота, æфсæдты дзæуджыхъæуккаг иугонды командæгæнæг, булкъон Роман Трубин æмæ æндæртæ.
УФ-йы Национ гвардийы
æфсæдты федералон службæйы цæгатирыстойнаг
управленийы пресс-службæ
