РЦИ-Аланийы Прокуратурæ æрæджы зылынгæнæн хатдзæг сфидар кодта, фæсарæйнаг бæстæтæй иуы цæрæджы ныхмæ цы уголовон
хъуыддаг арæзт æрцыд, уый фæдыл. Уыимæ, уголовон хъуыддагмæ тæрхондон ныридæгæн æркаст.
Нæлгоймаджы аххосджыныл банымадтой Уæрæсейы Уголовон кодексы 30-, 228- æмæ 327-æм статьяты хицæн хæйтты («Наркотикон буаргъæдты стыр бæрцытæ æнæзакъонæй апарахат кæныны фæлтæрæнтæ саразын» æмæ «Мæнг гæххæттытæй пайда кæнын») бындурыл.
Слестгæнджытæ куыд раиртæстой, афтæмæй фыдгæнæг Дзæуджы-
хъæумæ ссыд наркотиктæ апарахат кæныны нысанимæ. Фæлæ сæрмагонд оперативон-сгарæн мадзæлтты рæстæг нæлгоймаджы баурæдтой барадхъахъхъæнæг оргæнты кусджытæ. Куы йæм баджигул кодтой, уæд æм разынд наркотикон буаргъæд «метадон»-ы 86 граммы. Æмæ æрмæст уый нæ. Нæлгоймаг бафæлвæрдта йæхи Дзæуджыхъæуы рæстæгмæ регистраци скæнын. Уыцы нысанимæ миграцион службæмæ балæвæрдта æмбæлгæ гæххæттытæ. Фæлæ йæ миграцион картæ разынд мæнг.
Уголовон хъуыддаджы æппæт æууæлтæм бæстон æркæсгæйæ, тæрхонгæнæг аххосджынæн рахаста 10 азы ахæстоны фæбадыны тæрхон. Уымæй уæлдай, фыдгæнæг иваргонд æрцыд 20 мин сомæй.
РЦИ-Аланийы
Прокуратурæйы
пресс-службæ
