Оперативон-профилактикон акци «Сообщи, где торгуют смертью»-йы фæткмæ гæсгæ, Алагиры районы мидхъуыддæгты хайады кусджытæ æхсæнадон организациты уæнгтимæ дарддæр æххæст кæнынц наркотикты ныхмæ арæзт дзыллон мадзæлттæ.
Æрæджы Алагиры 5-æм скъоламæ æрбацæуæг уазджытæ – районы мидхъуыддæгты
хайады Ветеранты советы сæрдар, пъæлицæйы отставкæйы булкъон Бицъоты Олег, хайады хъомыладон куысты специалист, пъæлицæйы кæстæр лейтенант Кæсæбиты Тамарæ, хайады инспектор Бæззаты Миланæ æмæ иннæтæ ахуырдзаутæн
радзырдтой наркотикты знаггады тыххæй.
Скъоладзаутимæ фембæлд саразыны фæндон бахастой: фæсивæды æфсæддон-патриотон хъомылады ахуырадон-методикон центр «Авангард Алания»-йы педагог Дзитойты Артур, æппæт-уæрæсеон проект «Сабидуджы навигатортæ»-мæ цæстдарæг, амынд скъолайы ахуыргæнæг Дзбойты Ноннæ, стæй нæ регионы наркотикты ныхмæ фронты минæвæрттæ Елбачиты Сергей æмæ Хуыдарты Руслан.
Наркомани дзыллæтæн цавæр знаггад скæны æмæ адæмы цард куыд фехалы, ахуыргæнæндоны уазджытæ скъоладзаутæн уыдæтты тыххæй радзырдтой. Ныхасгæнджыты хъуыдымæ гæсгæ, наркомани банымайæн ис нæ дуджы æппæтæй тæссагдæр фæзындыл. Царды зындзинæдтæй фервæзын чи бафæлвары, ахæм адæймæгтæ арæх наркотикты амæттæгтæ свæййынц.
Алагиры районы мидхъуыддæгты хайад адæмы зæрдыл лæу-уын кæны: 02 (мобилонæй – 102), кæнæ 8 (86731) – 3-26-12 телефонтæй бадзургæйæ, адæймагæн ис наркотикты æнæзакъон зилдухы тыххæй барадхъахъхъæнджытæн фехъусын кæныны фадат.
Гæззаты Зæринæ,
Алагиры районы
мидхъуыддæгты
хайады инспектор
