Уæрæсейы алы гражданины хæс дæр у Фыдыбæстæ бахъахъхъæнын (УФ-йы Конституцийы 59-æм статья).
Æфсæддон службæйы æрсидтæй æмгъуыд кæнæ, закъоны бындурыл суæгъд кæныны бар 18 азæй 30 азы кары онг кæмæн нæ уа, уыцы граждæнтæ, нæлгоймæгтæ – се ’ппæт дæр хъуамæ бафидой се ‘фсæддон хæс. Æрсидтæй хи сайыныл нымад у, æфсæддон хаймæ æрвитыны æмбырдгæнæн бынатмæ айсинаг æфсонæй чи не ’рбацæуа кæнæ, æфсæддон службæмæ æрсидты тыххæй æфсæддон комиссары пъавескæмæ гæсгæ чи нæ фæзына, куыд активон архайд кæнгæйæ (хи буарæн фыдыбылыз æрхæсгæйæ, рынчыны æфсон кæнгæйæ, æфсæддон хыгъдæй хи нæ сисгæйæ, кæнæ хыгъды хи нæ сæвæргæйæ, ног цæрæнбынатмæ чи ацæуа), афтæ æнæархайдæй (медицинон басгæрстмæ нæ фæзынын, æфсæддон комиссарадты пъавескæ нæ бакомын). Хи сайыныл нымад у æрсидтæй хи æнæзакъонæй суæгъд кæныны тыххæй мæнг гæххæттытæ райсын дæр.
Æфсæддон службæмæ æрсидтæй хи асайыны цау куы сбæрæг уа, уæд сидтон къамис кæнæ муниципалон сконды æфсæддон комиссар хъæугæ гæххæттытæ æрвиты, гражданин кæм цæры, уыцы слестгæнæн оргæны разамонæгмæ дзуапп æрдомыны фарста алыг кæнынæн.
Æфсæддон службæйы æрсидт æмæ граждайнаг альтернативон службæйæ йæхи чи сайа, уыцы адæймæгтæ УФ УК 328-æм статьямæ гæсгæ дзуапп дæтдзысты уголовон æгъдауæй. Уыцы статьяйы 1-æм хаймæ гæсгæ æфсæддон службæмæ æрсидтæй хи
сайыны тыххæй, 2-æм хайы та альтернативон граждайнаг службæйæ хи асайыны тыххæй дзуапп лæвæрд цæуы уголовон æгъдауæй.
Æфсæддон службæйы æрсидтæй хи асайыны тыххæй адæймаг ахст цæуы 2 азы онг æм-гъуыдмæ, граждайнаг альтернативон службæмæ нæ акомыны тыххæй та – 6 мæйы. Афтæмæй, æрсидтмæ гæсгæ æфсæддон службæ цы граждайнаг нæ бакæна æнæ закъоны бындурæй, уымæн æфсæддон билеты бæсты лæвæрд цæуы справкæ.
Сидтон къамисы хатдзæгыл бахъаст кæнæ, къамисы хатдзæгтæ тæрхондон кæд банымадта, уыцы рæстæгæй 10 азы дæргъы уыцы адæймæгтæн сæ бон нæу паддзахадон кæнæ, муниципалон службæмæ бацæуын, кусгæ чи кæна, уыдон та
æрцæудзысты цухгонд.
Конституцион-барадон центры сарæзт
Сидтонты барты фехæлдытæ не руадзыны æмæ сын рагацау барадон æххуыс кæныны консультативон-барадон центр арæзт æрцыд Дзæуджыхъæуы гарнизоны æфсæддон прокуратурæйы цур (адрес: Дзæуджыхъæу, Къостайы проспект, 166-æм хæдзар, тел.: 8(8672) 25-73-11). Центры куыст уыдзæн 2025 азы 01. 04-æй 2025 азы 15. 07-мæ къуырисæрæй майрæмбонмæ 9 сахатæй 13 сахатмæ æмæ 14 сахатæй 18 сахатмæ. Дзæуджыхъæуы гарнизоны æфсæддон прокуратурæйы граждæнты исдзæн радгæс афицер 9 сахатæй 18 сахаты онг, æндæр горæтты цæрджыты исдзысты æрвылбон дæр.
Дзæуджыхъæуы гарнизоны æфсæддон прокурор, хицæн граждæнты æмæ уыдонимæ паддзахадон организацитæ, паддзахадон оргæнтæ æмæ бынæттон хиуынаффæйады оргæнты минæвæртты исдзæн алы цыппæрæмы 9 сахаты æмæ 30 минутæй 12 сахаты æмæ 30 минутмæ, йæ хæдивæг, юстицийы дæлбулкъон, Хуыбиаты Денис та алы æртыццæгты 9 сахаты æмæ 30 минутæй 12 сахаты æмæ 30 минутмæ.
Сулейман Сулейманов,
Дзæуджыхъæуы
гарнизоны
æфсæддон прокурор,
юстицийы булкъон
