Молдовайы сæйраг горæт Кишиневы уæззау атлетикæйæ цыдысты Европæйы чемпионаты ерыстæ нæлгоймæгтæ æмæ сылгоймæгты ’хсæн.
Ирыстойнаг спортсментæй чемпионаты архайдта Уæрæсейы
сгуыхт тренер Золойты Хъазыбеджы хъомылгæнинаг Гусалты Зæринæ.
71 кг онг уæзы Зæринæ ерысты фыццаг хуызæй уыцы иу ист скодта 110 кг æмæ цыди фыццаг бынаты. Дыккаг хуызы исгæйæ, йæ риуæй сысхуыста 131 кг æмæ дыууæ хуызы равдыста 241 кг (110+131).
Йæ фарсмæ уæвджытæ æнхъæл уыдысты, Зæринæйы бæрц никæмæнуал бантысдзæн, зæгъгæ, фæлæ æнæнхъæлæджы йæ разæй фæци исландиаг чызг Эйгло Стурлудоттир. Уый фыццаг хуызы систа 109 кг æмæ цыди 2-аг бынаты, фæлæ, дыккаг хуызы йæ риуæй 135 кг уæзæн штангæ куы сысхуыста, уæд Зæринæйæ фæраздæр æмæ бацахста 1-аг бынат.
Гусалты Зæринæйыл кæд 20 азы йеддæмæ нæма цæуы, уæддæр ын бантыст дыууæ хатты Уæрæсейы чемпион суæвын. 2-аг бынат кæй бацахста, уый дæр у хорз æнтыстдзинад. Æнæмæнг, Зæринæйæн йæ гæнæнтæ сты ноджы фылдæр æмæ, йæ абоны æвзист хæрзиуæг фидæны сыгъзæринæй кæй раивдзæн, уый гуырысхойаг нæу!
Баскаты Уырызмæг
