Нæ республикæйы медицинæ рынчынтæн цы æххуыс кæны, уымæн йæ хæрзхъæддзинады къæпхæн афæдзæй афæдзмæ рæзы.
Мастер-классты, лекцитæ æмæ семинарты фæрцы цы специалистты дæсныдзинады къæпхæн рæзы, уыдон егъау куыст баххæст кæнынц. Медиктæ ахуырадон курсытæ ацæуынц раззаг федералон центрты. Рынчынты хæрзхъæд дзæбæхкæнынадæн ахъаз чи кæны, æрæджы Дзæуджыхъæуы фыццæгæм поликлиникæ сифтонг кодтой ахæм ног кусæнгæрзтæй.
Адæймаджы хъыгдардбаййафæг къух дзæбæх кæнынæн чи ахъаз кæны, ахæм виртуалон æрмкъух иугонд у компьютерон программæмæ.
Æрæджы инсультæн бафæразæг дзæуджыхъæуккаг Светланæйы дзæбæх кæнынц амынд ифтонггарзы æххуысæй.
Поликлиникæ ног кусæнгæрзтæй сифтонг кодтой национ проект «Дæргъвæтин æмæ сæрæн цард»-мæ хауæг федералон прог-раммæ «Дзæбæхкæнынады ахъазгæнæг медицинон реабилитаци»-мæ гæсгæ. Ног кусæнгæрзты фæрцы дохтыртæ пайда кæнынц дзæбæхкæнынады нырыккон мадзæлттæй. Поликлиникæ ифтонггонд у лазерон, магнитон æмæ цæфон-уылæнон дзæбæхкæнынадæн ахъазгæнæг кусæнгæрзтæй. Поликлиникæйы ис цъыфæй дзæбæхгæнæн кусæнуат дæр. Хуылфыдзаумæттæ æмæ буары низтæ дзæбæхгæнæг дохтыртæ пайда кæнынц реабилитацийы сæрмагонд программæтæй.
Фарон поликлиникæйы медицинон реабилитацийы хайады дохтыртæ фондзсæдæ рынчынæй фылдæр сдзæбæх кодтой. Рæхджы горæты æвдæм поликлиникæмæ дæр ног ифтонггæрзтæ бафтдзыс-ты.
Æгайты Аленæ
