Скейт-парк, амфитеатр, сывæллæтты фондз æмæ дыууæ спортивон фæзы кæм уыдзæн, Беслæны Терчы былгæрон ахæм фæлладуадзæн тæлмы арæзтад кæронмæ фæхæццæ кæны.
Уымæй уæлдай, объекты уыдзæн аив рухсдиодон фонтан æмæ цад. Амынд фæзы фæрцы адæм сæ фæллад удæнцой уавæрты кæй уадздзысты, ууыл зæрдæ дарæн ис.
Былгæрон объекты фæзуат у 22 гектары. Ныридæгæн фæз æрæмбæрзтой тротуарон къæйтæй, сарæзтой дзы газонтæ, ныссагътой 500 бæласы бæрц, фæзындысты дзы фæхс-бандæттæ æмæ сæдæгай рухсытæ.
Фæлладуадзæн тæлмы ис велосипедон фæндаг, турниктæ æмæ æндæр спортивон ифтонггæрзтæ. Рæхджы ам байгом уыдзысты кафетæ, стæй аттракционтæ, æмæ афтæмæй фæлладуадзæн тæлм скусдзæн.
Нæ уацхæссæг
