1942 азы 1 май
Республикæмæ тасæй бахъахъхъæныны охыл цы адæмы æрбаластой, уыдоны иумæйаг нымæц у 19 615.

 1942 азы 7 май
Арæзт æрцыд Цæгат Ирыстоны фæллойгæнджытæй Фыдыбæстæйы Стыр хæсты архайджыты тыххæй æрмæджытæ æмбырдгæнæг республикон къамис.

 1942 азы 25 май
Орджоникидзейы (Дзæуджыхъæуы) Хъахъхъæнынады Комитет рахаста г. Орджоникидзе, стæй республикæйы æппæт районты дæр ногæй дæрæнгæнæн батальонтæ саразыны уынаффæ. Республикæйы батальонты штабы хицауæй фидаргонд æрцыд А.П. Баранников, йæ хæдивæгæй та – капитан Да-
уиаты М.Д.

 1943 азы 5 май
Фæллойадон резервты системæйы сног кодтой училищæтæ æмæ ФЗО-ты скъолаты ахуыртæ.

 1945 азы 9 май
Немыцаг-фашистон тыхгæнджыты ныхмæ Фыдыбæстæйы Стыр хæст ахицæн уæлахизæй, гитлерон Германи бынтондæр æрцыд дæрæнгонд, æнæуæлдай ныхасæй æрæвæрдта йæ хæцæнгарз æмæ састы бынаты ныллæууыд. 9 май ссис æппæтадæмон цины бон – Уæлахизы бæрæгбон.