«Рæстдзинад»-ы фæрстыл арæх мыхуыргонд цæ-уынц æрмæджытæ Дзæуджыхъæуы 26-æм скъолайы коллективы патриотон-хъомыладон куысты тыххæй.
Цытджын Уæлахизы бæрæгбоныл дæр хæрз-дзæттæйæ сæмбæлдыс-ты, сарæзтой къорд ирд мадзалы, æрбахуыдтой сæм сæрмагонд æфсæддон операцийы архайджыты, ахуырдзауты ныййарджыты. Хъуыддаг ууыл нæ банцад – хæрзаудæн акци «Посылка солдату»-йы фæлгæты сæмбырд кодтой гуманитарон æххуыс фронтæн.
Райдайæн кълæсты сабитæ бацæттæ кодтой арфæтæ æмæ нывтæ
хæстонтæн, ныффыстой сæм зæрдæбын ныхæстæ, кæй бæллынц сæ фендмæ æмæ сæм уæлахизимæ кæй æнхъæлмæ кæсынц тагъд рæстæджы.
Ахуыргæнджытæ куыд зæгъынц, афтæмæй се ‘ххуыс, æнæмæнг, фæахъаз уыдзæн, сæрмагонд æфсæддон операцийы архайджытæн сæ алы боны уæззау хæстон хæстæ æнцондæрæй æххæст кæнынæн, зындзинæдты сæрты хизынæн. Ноджы ма зæрдиаг арфæ кæнынц, гуманитарон æххуыс æмбырд кæныны акцийы сæ фарсмæ чи ‘рбалæууыд, уыдонæн. Хицæн арфæ – Федор Родионовæн, 1 «в» къласы
ахуырдзауы ныййарæгæн. Федор æмæ къорд «Æцæг кæсагахсджытæ» сæхи фæрæзтæй балхæдтой генератор, дронты ныхмæ пæлæзтæ æмæ иухаттон мигæнæнтæ сæрмагонд æфсæддон операцийы архайджытæн.
ГАПБАТЫ Алетæ, къам систа
Татьянæ ШЕХОДАНОВА
