Рухстауæн проект «Зонындзинад. Хъæбатыртæ» æххæст кæнгæйæ, æхсæнад «Зонындзинад» Цæгат Ирыстоны паддзахадон университеты физикон-техникон факультеты бæстыхайы фадæттæ сарæзта ахуыргæнæндоны студентты фембæлдæн Цæгат Кавказы авналæнты центр «Кавказы бархион»-ы директор, сгарæг къорд «Алани»-йы хи уацхæссæг Илаты Батрадзимæ.
Журналисттæ сæ куысты хæстæ сæрмагонд æфсæддон операцийы тæлмы куыд æххæст кæнынц, уый тыххæй хабæрттæ фембæлдмæ ’рбацæуæг адæмæн радзургæйæ, Илайы-фырт сын хи ист репортаж равдыста, стæй фарстытæн дзуаппытæ ратта.
– Ныгуылæйнаг дзыллон хабархæссæг фæрæзтæ сæрмагонд æфсæддон операцийы тыххæй арæх мæнг хабæрттæ кæй хъусын кæнынц, уый хынцгæйæ, æфсæддон уацхæсджыты хæс у адæмæн рæстдзинад æвдисын. Дзыллæтæн æнæхин хабæрттæ цæмæй хъусын кæнæм, уый тыххæй центрон æмæ регионалон дзыллон хабархæссæг фæрæзтимæ æнгом æмгуыст кæнæм. Æфсæддон уацхæссæджы куыст тæссагдзинæдтимæ баст у. Хæстон цаутæ æнæхинæй æвдисæг ацы адæймæгты банымайæн ис фронт граждайнаг æхсæнадимæ бæттæг цæгыл. Æнæ æфсæддон уацхæсджытæй дзыллæтæ сæрмагонд операцийы архайæг æфсæддон службæгæнджыты æвдыст сгуыхтдзинæдты тыххæй хабæрттæ нæ зониккой, – ныхас кæнгæйæ, загъта Илаты Батрадз.
Рæзгæ фæлтæры æхсæн патриотон хъомылад æххæст кæнынæн æхсæнад «Зонындзинад» сæрмагонд æфсæддон операцийы архайджытимæ æмæ зындгонд адæймæгтимæ хъуыддаджы фембæлдтытæн фадæттæ дарддæр аразы. Фембæлдтыты архайджытæ æрныхас кæнынц æмбæстæгты æвдыст сгуыхтдзинæдтыл, Фыдыбæстæйы Стыр хæсты цаутыл æмæ æндæр историон темæтыл.
«Ир-Информ»
