Бетъырбухы Мариинаг театры цæгатирыстойнаг филиалы концертон залы ацыд Дзæуджыхъæуы Гергиты Валерийы номыл аивæдты колледжы студентты дзуапдæттæн концерт филиалы симфонион оркестримæ иумæ.
Концерты фæрцы æрыгон музыканттæн уыд се сфæлдыстадон курдиат раргом кæныны фадат. Студенттæн канд сæ арæхстдзинад равдисыны нæ, фæлæ ма сын профессион сценæйыл архайыны фадат дæр чи дæтты, дзуапдæттæн концерт нымад у ахуырады фæткы ахæм ахсджиаг хайыл. Концерты прог-
раммæмæ алыхуызон композиторты уацмыстæ кæй бахастой, уый фæрцы аивадуарзджытæн уыд студентты бирæвæрсыг курдиæттæн аргъ скæныны фадат. Концертамонæг – теорион хайады ахуыргæнæг Мурасты Олланæ – йæ куысты хæстæ иттæг дæсны кæй æххæст кодта, уый фæрцы аивадуарзджытæ концертæй райгонд уыдысты.
Концерт фенынмæ бирæ аивадуарзджытæ кæй æрбацыд, уый дзурæг у, адæммæ классикон музыкæ кадджын кæй у, стæй, музыкантты æрыгон фæлтæрæн æххуыс кæй ис, уыдæттыл. Амынд цау нымад у студентты царды ахсджиаг къæпхæныл, канд уый нæ, фæлæ ма регионы культурон цардмæ ахадгæ бавæрæныл дæр.
РЦИ-Аланийы Культурæйы
министрады пресс-службæ
