Цæгатирыстойнаг ноггуырдты ныййарджытæ нырæй фæстæмæ сывæллоны фæзынды фæстæ исдзысты фæйнæ 5 мин сомы. Ахæм уынаффæимæ сразы сты Хицауады æмбырды. Кæд æмæ саби фæзынд 30 июны фæстæ, уæд лæваргонд дзаумайы бæсты ныййарджытæ исдзысты фæйнæ 5 мин сомы.
Фæллой æмæ социалон рæзты министрады куыд æмбарын кæнынц, афтæмæй 1 январæй 30 июны онг чи райгуырд, æмæ лæваргонд дзаума ноггуырдæн чи нæ райста, уыцы сабиты ныййарджытæн сæ бон у 5 мин сомы райсын. «Афтæмæй сын фадат уыдзæн хъæугæ товартæ балхæнынæн саби хъуагдзинæдтæ цæмæй æвзары, ахæмтæ», – загъта министр Абайты Юри.
Фæллой æмæ
социалон рæзты
министрады
пресс-службæ
