Республикæ Цæгат Ирыстон-Аланийы юридикон бюро сæрмагонд æфсæддон операцийы фыццаг бонтæй фæстæмæ кусы йæ архайджыты барадон æмæ социалон гарантитæ хъахъхъæныныл. Сæрмагонд æфсæддон операцийы архайджытæ æмæ сæ бинонты барадон бартæ хъахъхъæд цæуынц закъонæвæрынады цалдæр закъонмæ гæсгæ. Уыдонимæ сты Уæрæсейы Федерацийы Конституци, федералон закъон «Ветеранты тыххæй», Уæрæсейы Федерацийы Президенты Указтæ æмæ Хицауады уынаффæтæ, уыдонимæ, «Уæрæсейы Федерацийы юридикон лæвар æххуысы тыххæй» федералон закъон.
Республикæйы Сæргълæууæг Сергей Меняйло куыд бафиппайдта, афтæмæй хæстон архайды фæстæ сæхимæ цы æфсæддон службæгæнджытæ сыздæхы, уыдон æмæ сæ бинонтæ, стæй, сæрмагонд æфсæддон операцийы йæхиуæтты чи фесæфта, уыдонæн
æххуыс абон у æппæты сæйрагдæр хъуыддаг, афтæ бацамыдта Уæрæсейы Президент Владимир Путин.
РЦИ-Аланийы Паддзахадон бюро арæзт куы æрцыд, уæдæй фæстæмæ нæ республикæйы граждæнтæй юридикон лæвар æххуыс райстой 8575 адæймаджы, уыдонимæ:
– æфсæддон сæрмагонд операцийы райдайæнæй фæстæмæ йæ архайджытæ æмæ сæ бинонтæн РЦИ-Аланийы Паддзахадон бюро лæвар æххуыс бакодта 2826 адæймагæн, уыдонæй:
– колл-центр – сæрмагонд æфсæддон операцийы архайджытæ æмæ сæ бинонтæн 145 консультацийы дзыхы ныхасæй;
– РЦИ-Аланийы Паддзахадон бюройы специалисттæ «Фыдыбæстæ хъахъхъæнджыты» фонды агъуысты дзыхы ныхасы консультацитæ радтой – 462;
– Паддзахадон юридикон бюройы агъуысты 322 дзыхы ныхасы консультацитæ;
– «æвæстиаты бастдзинады» телефонæй сæрмагонд æфсæддон операцийы архайджытæ æмæ сæ бинонтæн радтой 1897 консультацийы;
– фыст консультацитæ сæрмагонд æфсæддон операцийы архайджытæ æмæ сæ бинонтæн раттой 375;
– сæрмагонд æфсæддон операцийы архайджытæ æмæ сæ бинонты хъуыд-
дæгтæ тæрхондæтты æвзаргæйæ, баххуыс кодтой – 70 адæймагæн. Сæрмагонд æфсæддон операцийы архайджытæ æмæ сæ бинонтæн паддзахадон социалон æххуысы архайынц алыхуызон министрадтæ æмæ ведомствæтæ. Уыдонимæ, РЦИ-Аланийы Фæллойы æмæ социалон рæзты министрад æхца бафидыны хъуыддæгты æфсæддоны фæмарды кæнæ фæцæфы уавæрты, цæрæнуæтты-коммуналон лæггæдты хæрдзтæ бафидыны хъуыддаджы, капиталон цалцæджы хæрдзты хай бафидыны, сæрмагонд æфсæддон операцийы архайджыты реабилитацийæн («Санаторий Осетия», «Сосновая роща», Республикон геронтологон центр»-ты) хæрдзты иу хай фæстæмæ раздахыны социалон гарантитæ æххæст кæнгæйæ.
Æмгуыстады ахсджиаг мадзæлттæ аразы РЦИ-Аланийы Наукæ æмæ
ахуырады министрад, уыдонимæ, сæрмагонд æфсæддон операцийы архай-
джыты сывæллæттæн паддзахадон ахуырадон организацитæм, сывæллæтты цæхæрадæттæм æмæ алыхуызон уæлæмхасæн къордтæм лæвар цæуыны баххуысы хъуыддæгты.
Паддзахадон юридикон бюро у РЦИ-Аланийы Фæллой æмæ социалон райрæзты министрады дæлуагдон. Се ’хсæн цы бадзырд арæзт æрцыд, уымæ гæсгæ парти «Иугонд Уæрæсе»-йы РЦИ-Аланийы æхсæнадон æххуысы штабимæ кæны æмархайд. Сæ куыст аразынц дзыхы ныхасы, консультацитæ, æфсæддонтæ æмæ сæ бинонтимæ фембæлдтытæй. Уыцы фембæлдтыты вæййынц Республикæйы Адвакатон палатæ, «Фыдыбæстæ хъахъхъæнджыты» фонды филиал, РЦИ-Аланийы Нотариалон палатæ», Уæрæсейы Федерацийы Пенсион æмæ социалон фæдзæхстады фонды РЦИ-Аланийы хайад, РЦИ-Аланийы Тæрхонадон пъырыстыфты службæйы управленийы минæвæрттæ.
Паддзахадон юридикон бюройы кусæг иудадзыгдæр рад хæссы РЦИ-Аланийы «Фыдыбæстæ хъахъхъæнджыты» фонды филиалы æмæ барадон æххуыс кæны, уырдæм цы хæстонтæ кæнæ сæ бинонтæй фарстатимæ чи æрбацæуы, уыцы адæмæн.
Республикæйы Паддзахадон юридикон бюройы кусæг къордтæ арæх ацæуынц дæрддзæф хъæутæм æмæ уым сæ барадон æххуысы хай бакæнынц сæрмагонд æфсæддон операцийы архайджытæ æмæ сæ бинонтæй царды зын уавæрты чи бахауы, уыдонæн. Уагдоны официалон сайты кусы «Барадон эксперт», уым æмбарын кæнынц граждæнты бартæ æмæ уыдонимæ æфсæддон службæгæнæджы бартæ дæр. Паддзахадон юридикон бюройы исæн уаты иудадзыг кусы «Æвæстиаты бастдзинад». Уыцы телефонæй бастдзинад арæзт цæуы æфсæддон службæгæнджыты бинонтимæ, сæрмагонд æфсæддон операцийы йæ хæс æххæстгæнгæйæ, чи фесæфт, кæнæ чи фæмард, уыдон цавæр æфсæддон хæйтты уыдысты, уый сбæлвырд кæныны тыххæй домæн фыстæджытæ æрвитынц æфсæддон хæйтты разамонджытæм.
РЦИ-Аланийы Паддзахадон юридикон бюройы архайды сæйраг хуызтæй иу у сæрмагонд æфсæддон операцийы архайджыты интерестæ тæрхондоны бахъахъхъæнын. Нæ кусджытæ архайдтой 70 тæрхоны æмæ æххуыс кодтой 31 хъуыддаджы. Сæ фылдæр-иу ахицæн сты, хъаст чи балæвæрдта, уыдоны пайдайæн. Сæрмагонд æфсæддон операцийы архайджытæ æмæ сæ бинонтæ арæхдæр æрбацæуынц ахæм фарстатимæ:
1) Хæсты чи фæмард, уый бинонты уæнджы æвдисæндар райсынмæ.
2) Æфсæддон къамисы хатдзæг ногæй сбæрæг кæнын, æфсæддон хайады командыгæнæджы ног æрвыст къамисмæ.
3) ВВК хатдзæгæй нæ разы уæвын.
4) Кредитон каникулты фарстатæ.
5) Æбæрæгæй сæфтыл нымад æфсæддонæн, тæрхондон æй цалынмæ мардыл банымайа, уæдмæ йæ бинонтæн æхцайы фиддонтæ райсыны
фарстатæ.
6) Хæстон архайды ветераны æвдисæндар райсыны æмархайд.
7) Сæрмагонд æфсæддон операцийы архайæджы æбæрæгæй фесæфæджы ссарынæн æмархайд кæнын (домæн фыстæджытæ æфсæддон хæйттæм, æфсæддон хæйтты комиссарадтæм æрвитын).
8) Бархион батальон «Шторм Z»
хæстонæн «Хæстон архайды ветеран»-ы æвдисæндар райсынæн.
РЦИ-Аланийы Паддзахадон юридикон бюройы архайд хорзыл банымадта Юстицийы министрады Цæгат Кавказы федералон зылды управлени.
Уагдоны куыстæн стыр аргъ скодта РЦИ-Аланийы Парламент, стæй Юстицийы министрады Цæгат Ирыстон-Аланийы управлени. Уæрæсейы Мидхъуыддæгты министрады Цæгат Кавказы федералон зылды сæйраг управленийы уынаффæмæ гæсгæ, не ’мкусджытæ дыууæйæ хорзæхджын æрцыдысты «Æмархайды тыххæй» – майданæй. РЦИ-Аланийы Паддзахадон юридикон бюро дарддæр дæр зæрдиагæй кусдзæн сæрмагонд æфсæддон операцийы архайджытæ æмæ сæ бинонты барадон бартæ хъахъхъæныныл.
Лæвар юридикон æххуысы фæдыл уæ бон у æрбацæуын, кæнæ фехъусын кæнын ахæм адрисыл: РЦИ-Алани, Дзæуджыхъæу, Осипенкойы уынг, 3. телефон: 53-65-60.
Хъантемыраты Олег,
РЦИ-Аланийы Паддзахадон
юридикон бюройы директор
