Алагиры районы мидхъуыддæгты хайады хицауы хæдивæг, пъæлицæйы дæлбулкъон Хъыбызты Аланæн уыд хъуыддаджы фембæлд мидхъуыддæгты оргæнтæм службæ кæнынмæ бацæуыны фæнд скæнæг адæймæгтимæ.
Амынд нывыл карст фембæлдтыты фæрцы адæмæн ис фæрстытæ комкоммæ раттын æмæ мидхъуыддæгты оргæнты куысты тыххæй хи фæндæттæ бахæссыны фадат. Адæммæ лæмбынæг байхъусгæйæ, мидхъуыддæгты оргæнтæм кусынмæ бацæ-
уыны хъуыддагмæ бардарæг фæрстытæн сын Хъыбызы-фырт бæлвырд
дзуаппытæ ратта.
Пъæлицæйы оргæнтæм астæуккаг ахуырадимæ службæ кæнынмæ бацæуæг адæймæгтæн ис астæуккаг, кæнæ уæлдæр юридикон ахуырад райсынæн нæ бæстæйы Мидхъуыддæгты министрады ахуыргæнæндæтты лæвар ахуыр кæныны фадат.
Уæ зæрдыл уын лæууын кæнæм: «Уæрæсейы Федерацийы граждæнты курдиæттыл æрныхас кæныны фæткы тыххæй» федералон закъоны домæнтæм гæсгæ, Алагиры районы мидхъуыддæгты хайады разамонджытæ адæм æмæ кусæндæтты курдиæттæ равзарынц.
Амынд хайады разамонджытæ бахатæг сæм адæймæгтимæ фембæлынц мæнæ ахæм адрисмæ гæсгæ: Алагир, Инæлар Бесолы-фырты уынг, 1. Районы мидхъуыддæгты хайадмæ бахатæг адæймаджы хæс у, 8 (86731) 3-36-00 телефонæй пъæлицæмæ фæдзургæйæ, рагацау хи ныффыссын.
Гæззаты Заринæ,
Алагиры районы
мидхъуыддæгты
хайады инспектор
