Дыккаг кварталы бæрæггæнæнтæм гæсгæ Цæгат Ирыстоны медианон сыгъдæг мызд рауад 37185 сомы. Уыцы бæрæггæнæнмæ гæсгæ республикæ æппæтфедералон рейтинджы бацахста 81-æм бынат.
Махæй дæлдæр сты Дагестан, Хъæрæсе-Черкесси, Цæцæн æмæ Мæхъхъæл. Уыдæттæ хъусын кæны РИА Новости.
Рейтинджы сæрыл сты Ямало-Ненецаг, Чукотскæ-йаг æмæ Ненецаг автономон зылдтæ. Эксперттæ куыд нымайынц, афтæмæй фæллойы базары цы кадрты кадавардзинад сæвзæрд, уый куыстдæтджыты ‘хсæн ерыс тынгæй-тынгдæр кæны, афтæмæй мызд рæзы.
2025 азы дыккаг кварталы бафыст мызды рæстæмбис бæрц рауад 100 мин сомы, уый та, фароны уыцы æмгъуыдимæ абаргæйæ, у 16 проценты фылдæр. Уавæр раиртасыны тыххæй РИА Новостийы эксперттæ банымадтой регионты рæстæмбис медианон мызд æмæ фæлхасадон товартæ æмæ лæггæдты æргътæ. Афтæмæй сарæзтой уæрæсейаг регионты медианон мыздты рейтинг.
Регионтæн аргъ кодтой, мыздæй цас æмæ цытæ балхæнæн уыд, уымæй.
Нæ уацхæссæг
