Ныхас уæрæсейагсомихаг базарадон-экономикон ахастдзинæд-
тæ фæфидар кæныны хъуыддагыл кæм цыд, Цæгат Ирыстоны паддзахадон университеты сарæзтой ахæм дунеон æмбырд «Владикавказ ЭКСПО: поворот на Восток».
Ахуыргæнæндоны дунеон ахастдзинæдты факультет æмæ Евразиаг æмгуыстады ассоциаци экспертон проект æххæст кæнынц 2021 азæй нырмæ. Проекты хæс у, дунеон экономикон ивддзинæдтæ нымайгæйæ, Хуссар Кавказы æмæ Хæстæг Скæсæны паддзахæдтимæ Уæрæсейы экономикон бастдзинæдтæ раиртасын.
Æмбырды архайджытæ – Цæгат Ирыстоны Экономикон рæзты æмæ Хъæууон хæдзарады министрадты минæвæрттæ, стæй Сомихы æмæ Цæгат Кавказы федералон зылды хицæутты бынатахсæг адæймæгтæ – æрныхас кодтой товарты зилдухы рæзты, транспортон фæндæгты ивддзинæдты, æфхæрæн мадзæлтты ахадындзинад æмæ æндæр фарстатыл.
Æмбырд гом кæнгæйæ, амынд факультеты декан Сихъоты Мæдинæ æмæ экономикон наукæты кандидат, Уæрæсейаг-сомихаг славянаг университеты ахуыргæнæг Артак Погосян дзыллон мадзалы архайджытæн раарфæ кодтой.
Фæстæдæр эксперттæ онлайн уагæй уæрæсейаг-сомихаг базарадон-экономикон бастдзинæдты алыхуызон æууæлтыл æрныхас кодтой. Докладгæнджыты ‘хсæн уыдысты политикон наукæты доктор, Ереваны паддзахадон университеты дунеон ахастдзинæдты факультеты ахуыргæнæг Хачик Галстян, Сомихы политик æмæ æхсæнадон архайæг Арам Сафарян, информацион агентад «Спутник-Армения»-йы экономикон фæлгæсæг Лаурæ Саркисян æмæ æндæртæ.
Нырыккон дунеон экономикæйыл чи фæбæрæг, æмбырды архайджытæ æрныхас кодтой товартæ æмæ хомаг ласыны хъуыддаджы уыцы ногдзинæдтыл. Уымæй уæл-
дай, ныхас цыд альтернативон маршрутты райрæзтыл дæр.
Фæстагмæ дзыллон мадзалы архайджытæ куыд загътой, афтæмæй ахæм æмбырдтæ ахъаз кæнынц паддзахадон оргæнты минæвæрттæ æмæ ахуыргæндты ‘хсæн æмгуыстад фæпарахат кæнынæн, стæй уæрæсейаг-соми-
хаг фæндæтты райрæзтæн.
Цæгат Ирыстоны
паддзахадон
университеты
пресс-службæ
