Ахъуыды кæн, уæд цыма уголовон агуырды кусджытæ æрмæстдæр гæрзтæй æхсынмæ æмæ къухтæй хæцынмæ сты рæвдз, афтæ нæм кæсы. Фæлæ цымæ уый царды та куыд уайы?
Уголовон агуырды тыххæй нæ алчидæр зоны, фæлæ фыдгæнджытимæ тохы иннæ структурæты ‘хсæн бæрæг цæмæй дарынц, уый тыххæй та нæ радзурдзысты. О, æцæгдæр сæ алчидæр фыдгæнджыты ахсы, фыдракæндтимæ тохы бацæуы. Телеэкраны цы уынæм, уыдæттæ æххæстæй нæ сараздзысты уголовон
агуырды кусæджы сурæт.
Æцæгдзинад ахæм у, æмæ уголовон агуырды кусæгмæ æнхъæлмæ кæсынц дæргъвæтин, тыхстаг сахæттæ, æвдисæнтимæ ныхас, документтимæ архайд, ноджы æппæт уыдæттæн бахъæуы куысты фæстæ рæстæг. Æмхуызонæй сбæрæг кодтам Уголовон агуырды кусæджы бон. Кинонывты сюжеттæ дæр сæ бынат ссардтой оперативникты царды, фæлæ уæддæр сæ размæ лæууынц бирæ вазыгджындæр, ахадгæдæр хæстæ æмæ нысантæ.
Цæмæй æппæт уыдæттæн бафæразай, уый тыххæй хъæуы уды фидардзинадыл, равзæрст дæсныйадыл æнувыддзинадыл. Цæмæй фыдракæнд раргом кæнай, уый тыххæй дæ бахъæудзæн стыр куыст бакæнын. Оперативник хъуамæ æрмæст хæцæнгарзимæ ма архайа, фæлæ зона хъусын, цы хабæрттæ раргом кæна, уыдонæй сæйрагдæртæ рахицæн кæна, раздæры цаутимæ сæ абарын зона. Нæ бон сæ психологтæ схонын дæр у, арæхдæр вæййынц фыссæнгарз æмæ блокнотимæ.
Уыйас хабæрттæ базонынц, æмæ уыдон хъуамæ дæ зонды бакусай, æвдисæнтимæ фембæлай, лыстæг фæзилæнтæм кæсай, хатдзæгтæ кæнай. Уæдæ сæ цардæн
æппынæдзух тæссагдзинæдтæ кæй æвзарынц, уый дæр æмхуызонæй зонæм. Æфхæрд баййафынæй тæрс-гæйæ, фыдгæнæг арæх æрлæууы оперативникты ныхмæ, уæд сæ сæ фидар зонд, арæхстдзинад æмæ ныфс равдисын бахъæуы.
Алагиры районы мидхъуыддæгты хайады уголовон агуырды кусынц Тыбылты Баймат, Дзеранты Станислав, Плиты Хъазыбег, Хъæцмæзты Владислав, Дзантиаты Хазби, Бицъоты Арсен, Зыгъуытаты Арсен, Мæргъиты Таймураз, Баситы Хетæг.
Уголовон агуырды фылдæр кусынц нæлгоймæгтæ, фæлæ дзы ныфсхаст сылгоймæгтæ дæр фæзынынц. Æрæджы сæ рæнхъыты балæууыд Æгъуызарты Тамарæ. Хайады ис хицæн дæлха-йæдтæ, алкæй кусгæ бон дæр райдайы ивгъуыд суткæйы оператион хабæрттæм байхъусынæй. Нæ ведомствæйы куыд нымайынц, афтæмæй Мидхъуыддæгты минист-рад æнцой кæны æртæ цæджындзыл – сæ иу у уголовон агуырд. Фыдгæнæгимæ æмæ хъыгдардбаййафæгимæ фыццагдæр фембæлы оперативник.
Нæ бон оперативникы дæсныйад схонын у цардыуагимæ. Кæддæриддæр цæттæ у алыхуызон цаутæм, йæ бон уайтагъд хъæугæ уынаффæ рахæссын у, цавæрфæнды лыстæг фæзилæнтæм у къæрцхъус. Уголовон агуырды 107 азы кадæн Алагиры районы мидхъуыддæгты хайады разамонæджы хæстæ рæстæгмæ æххæстгæнæг, пъæлицæйы дæлбулкъон Челдыты Сослан оперативниктæн æмæ ветерантæн раарфæ кодта, загъта сын зæрдæйæ цæугæ ныхæстæ.
Гæззаты Зæринæ,
Алагиры районы
мидхъуыддæгты
хайады инспектор
