РЦИ-Аланийы премьер-министр ДЗАНАЙТЫ Барис архайдта, Цæгат Кавказы федералон зылды УФ-йы Президенты Æххæстбарджын минæвары хæдивæг Владимир НАДЫКТО видеоконференцийы бастдзинады фæрцы цы æмбырд сарæзта, уым.
Фембæлды архайджытæ се ’ргом аздæхтой, Цæгат Ирыстоны энергетикæ æмæ цæрæнуатон-коммуналон хæдзарады комплексы дарддæры æнæкъуыхцы райрæзты фæлварæн программæ куыд æххæстгонд цæуы, уымæ.
Ныхасы архайæг уыдысты республикæйы цæрæнуатон-коммуналон хæдзарады, артаг æмæ энергетикæйы министр Хъараты Тимур, финансты министры хæстæ рæстæгмæ æххæстгæнæг Оксанæ Карова æмæ паддзахадон куыстуат «Водоканал»-ы генералон директоры хæстæ рæстæгмæ æххæстгæнæг Кцойты Тамерлан.
Æмбырды райдайæны Владимир Надыкто куыд фæбæрæг кодта, афтæмæй, Цæгат Ирыстоны энергетикон æмæ цæрæн-уатон-коммуналон комплексы иумæйаг уавæрмæ æркæсгæйæ, рахатæн ис хорзæрдæм ивддзинæдтæ. Къабазы кусæг энергетикон компанитæ хæдзардзинæй архайынц сæ фæрæзтæй, коммуналон фиддонтæ дæр зынгæ хуыздæр æмбырдгонд цæуынц…
Амынд фарстатыл дзургæйæ, Дзанайты Барис куыд загъта, афтæмæй фæстаг азты дæргъы бæлвырд æмæ ахадгæ мадзæлтты фæрцы архайд цæуы коммуналон инфраструктурæйы модернизацийыл. Фыццаджы-фыццагдæр, донæфсисады, канализаци æмæ хъармдæттæн инфраструктурæйы æппæт коммуналон объекттæ дæр бакодтой иу республикон куыстуат «Водоканал»-ы бæрны. Хицауады Сæрдары ныхасмæ гæсгæ, уыцы куысты республикæйæн æппæтвæрсыг æххуыс кæнынц Экономикон рæзты федералон министрад æмæ Президенты Цæгаткавказаг минæварады аппарат.
– Фæлварæн программæйы уагæвæрдтæ къабазы уавæрыл хорз-æрдæм зынынц. Коммуналон комплексмæ бар чи дары, æппæт уыцы куыстуæтты иумæйаг архайд хъомысджындæр кæны цæрæнуатон æмæ энергетикон инфраструктурæ. «Водоканал»-ы дæлхайæдтæ ног сæрмагонд техникæйæ ифтонггонд кæй æрцыдысты, уый фæрцы къабазы модернизацийæн фылдæр фадæттæ фæзынд, – радзырдта Дзанайы-фырт.
Æмбырды архайджытæ фæбæрæг кодтой прог-раммæйыл дарддæры
куысты фæтк.
Зындгонд куыд у, афтæмæй 2022 азæй нырмæ цалдæр цæгаткавказаг регионы (уыдонимæ – РЦИ-Алани дæр) архайынц энергетикæ æмæ цæрæнуатон-коммуналон хæдзарады комплексы дарддæры æнæкъуыхцы экономикон райрæзты фæлварæн федералон программæйы.
РЦИ-Аланийы
Сæргълæууæг
æмæ Хицауады
пресс-службæ
