Уæрæсейы Хихъахъхъæнынады министрады Дзæуджыхъæуы гарнизоны Афицерты
хæдзары Иудзинады боны кадæн РЦИ-Аланийы Национ политикæ æмæ æддагон бастдзинæдты минист-рад Нациты хъуыддæгты федералон агентады æххуысæй сарæзта æркаст-конкурс «Национ культурæты национ бæрæгбон».
Архайдтой дзы Цæгат Ирыстоны национ-культурон иугæндты профессионалон æмæ хихъæппæрисадон сфæлдыстадон къордтæ æмæ сæ аивадæй барухс кодтой æрбацæуæг уазджыты зæрдæтæ. Се ‘хсæн уыдысты РЦИ-Аланийы национ политикæ æмæ æддагон бастдзинæдты министр Бæгъиаты Алан, æхсæнадон змæлд «Нæ Ирыстон»-ы сæрдар Лагкуты Вячеслав, «Аланты Ныхас»-ы сæрдар Фриаты Хъазыбег, республикæйы æхсæнадон организациты уæнгтæ, Дзæуджы-
хъæуы гарнизоны æфсæддонтæ æмæ сæ бинонтæ, хæстон быцæуты ветерантæ, æнæкоммерцион организациты уæнгтæ, скъоладзаутæ æмæ студенттæ.
Æркаст-конкурс рауад цымыдисаг, сфæлдыстадон къордтæй алчидæр адæмы размæ рахаста æмæ ирдæй бавдыста йæ национ бæрæгбоны фæтк. Кадджын уавæры конкурсы уæлахиздзаутæн раттой дипломтæ æмæ зæрдылдарæн хæрзиуджытæ. Фыццаг бынат бацахста æнæкоммерцион организаци «Русь»-ы коллектив «Сударушка» – равдыста бæрæгбон «Цæрвкувæн» («Масленица»). Къорды уæнгтæ гран-прийæ схорзæхджын кодтой ирон чындзæхсæвы æгъдæуттæ равдисæг адæмон кафты фольклорон ансамбль «Сатана»-йы.
Дарддæр бæрæгбонмæ æрбацæуджытæ бакастыс-ты, республикæйы Хæлардзинады хæдзар цы хъæздыг концертон прог-раммæ бацæттæ кодта Адæмон иудзинады боны кадæн, уымæ.
ГАПБАТЫ Алетæ, къам систа
Татьянæ ШЕХОДАНОВА
