Республикæ Цæгат Ирыстон-Аланийы Парламенты депутатты номæй уын зæрдиаг арфæ кæнын уæ профессион бæрæгбоны фæдыл!
Ацы зæрдылдарæн бон у паддзахады интерестæ æмæ граждæнты бартæ, нæ бæстæйы сабырдзинад хъахъхъхæнæг оргæнты хъайтардзинад, хъæддых, æнæфæцудгæ лæгдзинад æмæ æцæг патриотизмы æнусон традициты æвдисæн.
Сымах æрвылбон лæуут закъоны фарс, тох кæнут фыдракæндты ныхмæ, хъахъхъæнут алы адæймаджы æдасдзинад дæр. Уæ службæ уæ домы бæрзонд профессионализм, лæгдзинад, хиуыл æнауæрдондзинад æмæ ныфс.
Цæгатирыстойнаг мидхъуыддæгты оргæнтæн ис намысджын хъæздыг бирæ-азон истори. Ацы бон зæрдиаг арфæ кæнын, иу æмæ дыууæ хатты ардбахæрдыл иузæрдиондзинад чи равдыста, ведомствæйы æппæт уыцы кусджытæ æмæ ветерантæн сæ удуæлдай зын, фæлæ хъæугæ куысты тыххæй. Мæ зæрдæ уын зæгъы, пъæлицæйы зынаргъ кусджытæ, фидар æнæниздзинад, сабырдзинад, фæрныгад, ног æнтыстытæ. Бæрæгбоны хорзæх уæ уæд!
ТУСКЪАТЫ Таймураз, Цæгат Ирыстон-Аланийы Парламенты Сæрдар
