Хистæр кары адæмæй алчидæр сæрыстырæй зæгъдзæнис: «Æз Ленинон фæскомцæдисы уæнг уыдтæн». Цавæрдæр æнгомдзинад уыд фæсивæды æхсæн: ерысы-иу бацыдысты заводты, фабрикæты, фермæты, колхозты быдырты. Иууылдæр хæдзар-дзинæй архайдтой, фæскомцæдисоны ном сæрбæрзондæй хастой. Алы ран дæр æрыгæттæ, разæй уæвгæйæ, уыдысты фæзминаг. Тæхудиаг рæстæг уыд.
Уымæ гæсгæ уæлдай æхсызгон у, нæ респуб-ликæйы кæй ис ахæм хъæппæрисджын къорд, фæсивæды раст фæндагмæ, иудзинадмæ чи ’здахы. Цæгат Ирыстоны республикон æхсæнадон организаци «Ирыстоны фæскомцæдис»-ы Рахизфарсы районы минæвæрттæ фембæлдысты Беслæны 4-æм астæуккаг скъолайы ахуырдзаутимæ æмæ сæ базонгæ кодтой фæскомцæдис æмæ ногдзауты змæлды равзæрды историимæ. Кадджын уазджытæ, Рахизфарсы районы фæскомцæдисы ветерантæ сын радзырдтой ног змæлд «Орлята» цавæр хæстæ æвæры сæ размæ, уый тыххæй.
Фæскомцæдисон зарджытимæ кадджын уавæры чызджытæ æмæ лæппутæн бабастой галстуктæ æмæ сын раттой æвдисæндартæ æмæ риуылдаргæ нысантæ. Бирæ рæсугъд арфæтæ райхъуыст уыцы бон алы фæлтæрты номыл, Фыдыбæстæйы домбай-дзинад фидар кæныныл чи куыста, советон фæсивæды хуыздæр традицитыл йæ зæрдæ чи нæ сивта.
Скъоладзаутæ цымыдисæй байхъуыстой, фæскомцæдисон змæлдæн цавæр стыр тых уыд, советон рæстæджы адæмæн кæй уыд царды æмæ фæсивæды хъомылады скъола. Сывæллæттæ бацæттæ кодтой хъæлдзæг концертон программæ, уазджыты зæрдæтæ барухс кодтой сæ арæхст-дзинадæй.
Бæрæгбон бацæттæ кодтой скъолайы директоры хæдивæг Цæллагты Эльвирæ æмæ историйы ахуыргæнæг, «Ирыстоны фæскомцæдис»-ы уæнг Сæгуытонты Светланæ. Æрыгон фæлтæримæ фембæлды архайдтой æхсæнадон организациты уæнгтæ:
Хæблиаты Батрадз, Хъуысаты Риммæ, Козаты Фузæ, Цкаты Зарæ, Людмилæ Сысоева, Гугкаты Светланæ, Æгъуызарты Ларисæ æмæ Таутиаты Еленæ. Æхсæнадон организаци-йæн дæсны разамынд дæтты Зæнджиаты Чермен. Фæскомцæдисонты ног фæлтæртæн ардбахæрды ныхæстæ ныффыс-та Бургалаты Заремæ.
«Иугæр нæ ном фæскомцæдисон у, уæд æй хъуамæ скадджын кæнæм арфæйаг хъуыддæгтæй, – зæгъынц Базарадон-экономикон колле-джы Беслæны филиалы 55 студенты. Ацы бонты сæ райстой фæскомцæдисонты змæлды бархионты рæнхъытæм, раттой сын æвдисæндартæ æмæ риуылдаргæ нысантæ. Чызджытæ æмæ лæппутæ диссаджы арф зонындзинæдтæ равдыстой Ленинон фæскомцæдисы историйы цаутæ зонынæй, йæ ахадындзинад æмæ бирæ æнтыстдзинæдты тыххæй нæ бæстæйы сæраппонд. Абоны уонг кæй нæ рох кæнынц, ахæм æхсызгон цаутæ бирæ ис хистæр фæлтæрмæ. Сæ мысинæгтæ, сæ зæрдиаг арфæтимæ студентты раз ныхас кодтой Рахизфарсы районы фæскомцæдисон организацийы разамонæг Бибылты Светланæ, «Стыр Ныхас»-ы сæрдар Кцойты Гермæн, Афганистаны хæсты архайæг Гæгуылаты Юри æмæ иннæтæ.
Ирыстоны фæскомцæдисы ветеранты делегацийы уæнгтæ арфæ ракодтой колледжы разамынд æмæ ахуыргæнджытæн, сывæллæтты патриотон хъомыладмæ ахæм стыр æргом кæй здахынц, уый фæдыл.
Гугкаты Жаннæ
