Цæгат Ирыстоны æнæниздзинад хъахъхъæнынады министры хæстæ рæстæгмæ æххæстгæнæг Митциты Астан кæй сарæзта, уыцы æмбырды архайджытæ – Æнæмæнг æххæстгæнинаг медицинон фæдзæхстады фонды территорион хайады разамонæг Зæгъойты Алан, республикæйы Онкологон диспансеры сæйраг дохтыр Легкойты Владимир æмæ æндæртæ – æрныхас кодтой амынд диспансеры куыстыл.
Ныхасгæнджытæ се ’ргом аздæхтой дзæбæхгæнæндоны медицинон ифтонггæрзты уавæрмæ. Легкойы-фырты ныхасмæ гæсгæ, æгæр чи базæронд, диспансеры уыцы магнитон-резонансон томографтæй иу йæ цалцæг кæныны аргъ нæу. Ацы ифтонггарз цæмæй сфыссой, уый тыххæй сæххæст кæнын хъæуы экспертон-аргъгæнæн мадзæлттæ.
Поликлиникон хайады чи ис, уыцы компьютерон томограф Митциты Астаны фæндонмæ гæсгæ сцалцæг кæндзысты нормæгонд фæдзæхстадон æвæрæнты фæрæзты хардзæй. Иннæ аз январы кусæндонæн цалцæггæнæн куыстытæ сæххæст кæнынæн хъæугæ æхца ратдзысты.
Уымæй уæлдай, Легкойы-фырт куыд загъта, афтæмæй, диспансер компьютерон æмæ магнитон-резонансон томографтæн техникон лæггад кæныны фæдыл бадзырд кæимæ сфидар кодта, дыууæ азы дæргъы уыцы подрядон кусæндон йæ хæстæ не ’ххæст кæны. Митцийы-фырт бахæс кодта бадзырды æууæлтæ æххæст кæныныл æрдзурынæн амынд подрядон кусæндоны минæваримæ фембæлд саразын.
Æмбырды бæрæггæнæнтæм гæсгæ, дарддæры куысты мадзæлттæ бæлвырдгонд æрцæудзысты.
РЦИ-Аланийы Æнæниздзинад
хъахъхъæнынады
министрады
пресс-службæ
