2025 азы фæстаг кусгæ къуыри уыдзæн бынтон цыбыр – ахæсдзæн æрмæстдæр дыууæ боны.
Уый тыххæй бæрæггæнæнтæ зæрдыл æрлæууын кодта Адæмты хæлардзинады уæрæсейаг университеты юридикон институты доцент Петр Петкилев.
«2026 азы 5 январæй, хуыцаубонæй, фæлладуадзæн бон рахастой 2025 азы 31 декабрмæ, æртыццæгмæ. Афтæмæй, ацы азы фæстаг кусгæ къуыри уыдзæн хæрзцыбыр – æрмæстдæр дыууæ боны (29 æмæ 30 декабры – къуырисæр æмæ дыццæг). Уый фæстæ райдайдзысты ногазон дæргъвæтин каникултæ (ацы хатт уыдзысты 12 боны – 2025 азы 31 декабрæй, æртыццæгæй, 2026 азы 11 январмæ,
хуыцаубонмæ)», – радзырдта Петкилев.
Æппæт уыцы фарстатыл дзургæйæ, доцент куыд фæбæрæг кодта, афтæмæй Уæрæсейы регионтæн ис, дины бæрæгбæттæ æмæ æндæр зæрдылдарæн цаутæ хынцгæйæ, барвæндонæй уæлæмхасæн фæлладуадзæн бонтæ нысан кæныны фадат. «Зæгъæм, ацы азы 24 ноябрь, къуырисæр, Республикæ Цæгат Ирыстон-Аланийы нымад у фæлладуадзæн боныл. Уыцы уынаффæ баст у Сыгъдæг Уастырджимæ кувæн къуырийы æрвитæн бонимæ. Кæнæ Хъалмыхъы республикæйы та æрвылаз декабры бæлвырд боны саразынц бæрæгбон «Зул». Уыцы бон дæр вæййы фæлладуа-
дзæн», – бафиппайдта Петр Петкилев.
Эксперт сæрмагондæй фæбæрæг кодта ахæм æууæл дæр: мæйы дæргъы ахæм фæлладуадзæн бонтæ цасфæнды куы уа, уæддæр фæкъаддæргæнæн нæй, мæйы мыздыл чи кусы, уыцы фæллойгæнджыты мызд.
КАЛМАНТЫ Аслан
