Федералон паддзахадон кусæндон «Росгранстрой»-ы дæлхайæдтæ бавнæлдтой контролон-уадзæн пункт «Дæллаг Зæрæмæг»-ы бындурон рацарæзтмæ.
Уый тыххæй фехъусын кодта куыстуаты пресс-службæ.
Куыд нысангонд цæуы, афтæмæй аразджытæ сцалцæг кæндзысты уадзæн пункты бæстыхæйтты зынгæ хай, тротуартæ æмæ хæдтулгæты цæуæн тæлмытæ æрæмбæрздзысты ног асфальт æмæ бетоны уæлцъарæй, æрæвæрдзысты паспортон цæстдарды нырыккондæр кабинæтæ, цалдæр бынаты сæвæрдзысты информацион таблотæ æмæ æндæр техникон фæрæзтæ… Рог хæдтулгæтæм цæстдарды комплекс дæр фæуæрæхдæр уыдзæн.
«Росгранстрой»-ы минæвары ныхасмæ гæсгæ, контролон-уадзæн пункты рацарæзты куыстытæ æххæстгонд цæуынц фыццаградон национ проект «Хъомысджын транспортон системæ»-йы фæлгæты.
Нæ уацхæссæг
