Уæрæсейы Æдасдзинады федералон службæйы Цæгат Ирыстоны управленийы кусджытæ рабæрæг кодтой æмæ кæрон сæвæрдтой республикæйы цæрджытæй иуы æнæзакъон архайдæн.
Горæтгæрон районы 63-аздзыд цæрæджы азымджын кæнынц зæххы ахастдзинæдты къабазы цæстфæливæн митæ стыр бæрцæй саразынæй.
Оперативон бæрæггæнæнтæм гæсгæ, гуырысхойаг 2023 азы «Росреестр»-ы цæгатирыстойнаг управленимæ цы мæнг гæххæттытæ балæвæрдта, уыдоны бындурыл йæ номыл æнæзакъонæй фидаргонд æрцыд муниципалон зæххыты хай.
Ахæм цæстфæливæн митæй Горæтгæрон муниципалон районы бюджетæн рачындæуыд 1,7 милуан сомы аргъ финансон зиан.
Амынд цауы фæдыл оперативон-агурæн æрмæджыты бындурыл Æдасдзинады федералон службæйы управленийы слестгæнджытæ УФ-йы Уголовон кодексы 159-æм статьяйы 4-æм хайы («Цæстфæливæн митæ стыр бæрцытæй саразын») гуырысхойаджы ныхмæ сарæзтой уголовон хъуыддаг.
Æппæт æмбæлгæ слестгæнæн мадзæлтты фæстæ уголовон хъуыддаг æрвыст æрцæудзæн тæрхондонмæ æркæсынмæ.
УФ-йы Æдасдзинады федералон службæйы цæгатирыстойнаг
управленийы
пресс-службæ
