Цæгат Кавказы Статистикон управленийы цæгатирыстойнаг хайады бæрæггæнæнтæм гæсгæ, ацы азы дæс мæймæ нæ республикæйы хæдзарæдтæ райстой 64,416 милуан айчы, ома, фароны уыцы рæстæгимæ абаргæйæ, 1 проценты фылдæр.
Амынд хойраджы фылдæр хай – 48,95 милуан айчы – райстой хицæн адæймæгты хæдзарæдты. Афæдзы дæс мæймæ фермерон æмæ хицæн амалиуæггæнджыты хæ-
дзарæдтæ райстой 13,472 милуан айчы, стыр хъæууонхæдзарадон куыстуæттæ та – 1,994 милуаны (уыимæ, фæстагмæ амынд куыстуæттæ дæс мæймæ æйчытæ
райстой фаронæй 52,6 проценты фылдæр).
– Агропромышленон комплексы райрæзты фæдыл цалдæр мадзалы (адонмæ хауы национ проект «Хойраджы æдасдзинады технологон ифтонгад»-ы парахат архайд дæр) кæй æххæст кæнæм, уый фæрцы нæ республикæ æйчытæ исы фаронæй фылдæр, –зæгъы регионы хъæууон хæдзарады министр Къусраты Алан.
РЦИ-Аланийы Хъæууон хæдзарады министрады
пресс-службæ
