Сæкæрнизæй рынчын адæймæгтæн æдас чи уыдзæн, Цæгат Ирыс-
тоны Хетæгкаты Къостайы номыл паддзахадон университеты хойраджы технологийы кафедрæйы дыккаг курсы магистранткæ Гунчæ Овезгелдиева ахæм дзул цæттæ кæныны ног мадзалыл кусы.
Хойраджы чысыл гликемикон индексы фæрцы ног мадзал ахъаз кæндзæн туджыуæвæг глюкозæйы къæпхæны уæлæмæцыды тагъдад фæкъаддæр кæнынæн. Дзул фыцыны ног мадзалы фæрцы хойраджы фæлхасадон бæрæггæнæнтæ фæ-
хуыздæр уыдзысты: сæкæр организмы цæмæй хуыздæр батайа æмæ цæттæ дзулы хæрзаддзинад цæмæй æххæстæй раргом уа, ныллæггонд температурæйы руаджы сындæгдзæуæг ферментаци уыдæттæн ахъаз кæны.
Уымæй уæлдай, дзул цæттæ кæныны куысты сæйраг хæйттæ: хыссæ змæнтыны, формæты мидæг æй æвæрын æмæ йæ æруазал кæныны хъуыддæгтæ – изæрæй æххæст кæнæн кæй ис æмæ афтæмæй райсомæй æххæстгæнинаг куысты бæрц кæй фæкъаддæр уыдзæн, уыдæттæ нымайгæйæ, дзул цæттæ кæныны ног мадзал куыстадон фæткы ахадындзинад фæнывыл кæндзæн. Бындурон уазалгæнæн ифтонггæрзтæй пайда кæныны рæстæг дæр технологæн рецептурæ æмæ куыстады фæтк рацаразыны фадат кæй ис, уый дзурæг у куысты ног мадзалы ноджыдæр ма иу хорздзинадыл.
Куысты ног мадзал бавдыстой Цæгат Кавказы федералон университеты бындурыл ацæуæг инновацион проектты конкурс «Фидæны биотехнологитæ: ме ’вæрæн наукæмæ»-йы фæткмæ гæсгæ. Студенткæйæн æвдыст проекты тыххæй саккаг кодтой номинаци «Наукон-иртасæн проект»-ы 3-аг бынат. Проекты
наукон разамонæг у техникон наукæты кандидат, хойраджы технологийы кафедрæйы хистæр ахуыргæнæг Цæлойты Мæдинæ.
Цæгат Ирыстоны
паддзахадон университеты пресс-службæ
