Ацы бонты Дзæуджыхъæуы Хъуылаты Бадзийы номыл спортивон галуан «Манеж»-ы армрестлингæй цæуынц Цæгат Кавказы федералон зылды
фыццаг бынат бацахсыныл ерыстæ цыппар кары чызджытæ æмæ лæппуты ’хсæн.
Фыццаг бон, 13 январы галиу къухæй ерысы бацыдысты 14-15, 16-18 æмæ 19-21-аздзыд 295 спортсмены.
Æппæты кæстæр кары (14-15-аздзыд) чызджыты ’хсæн 1-аг бынæттæ рамбылдтой: 40 кг – Чехойты Самирæ (РЦИ-Алани), 45 кг – Мамиты Янæ (РЦИ-Алани), 50 кг – Хайты Алисæ (РЦИ-Алани), 55 кг – Æлборты Эмилия, 60 кг – Персаты Зæринæ, 70 кг – Медойты София, 70 кг – Хадаты Ланæ (се ‘ппæт дæр – РЦИ-Аланийæ).
Ацы кары лæппуты ерысы фыццаг бынæттæм рацыдысты æмæ фæйнæ 25 очкойы бакуыстой: 45 кг – Рустам Гасанов (Дагестан), 50 кг – Карим Эльдаров (Хъæрæсе-Черкесты Республикæ), 55 кг – Мухаммад Токов (Хъæрæсе-Черкесты Респуб-
ликæ), 60 кг – Дзеранты Руслан (РЦИ-Алани), 65 кг – Цыбырты Вячеслав (РЦИ-Алани), 70 кг – Магомед Магомедов (Дагестан), 70 кг – Бызыккаты Богдан (РЦИ-Алани).
16-18-аздзыд лæппуты цымыдисаг ерысы, галиу къухæй хæцгæйæ, фыццæгтæ систы: 55 кг – Алан Лайпанов (Хъæрæсе-Черкесты Республикæ), 60 кг – Гæдзаонты Марат (РЦИ-Алани), 65 кг – Мæхъиты Сергей (РЦИ-Алани), 70 кг – Гæбæраты Тамаз (РЦИ-Алани), 75 кг – Амир Узденов (Хъæрæсе-Черкесты Республикæ), 80 кг – Тъехты Максим (РЦИ-Алани), 80 кг – Цæбиты Чермен (РЦИ-Алани).
Ацы кары чызджыты ’хсæн ерыстæ цы авд уæзы цыдысты, уыдоны фыццаг бынæттæм рацыдысты ирыстойнаг чызджытæ: 45 кг – Цалиты Каринæ, 50 кг – Моститы Элинæ, 55 кг – Айларты Джоаннæ-Луизæ, 60 кг – Суанты Элинæ, 65 кг – Валерия Незамаева, 70 кг – Персаты Каролинæ, 70 кг – Черчесты Динарæ.
Ирыстойнаг чызджытæ фыццаг бынæттæ бацахстой, 19-21-аздзыдтæ цы æхсæз уæзы ерыс кодтой, уыдонæй фондзы.
Ноджы хъазуатондæр тохтæ цыдысты, ацы кары лæппутæ цы фараст уæзы ерыс кодтой, уыдонæй алкæцыйы дæр. Ирыстойнаг спортсментæ фыццæгтæ систы авд уæзы: 55 кг – Дзансолты Сослан, 60 кг – Саламты Сæрмæт, 65 кг – Гæбæраты Хетæг, 70 кг – Гаглойты Хъазыбег, 75 кг – Гæдзаонты Владимир, 80 кг – Табуты Сæрмæт, 90 кг – Руслан Верещагин. Иннæ дыууæ уæзы фыццаг бынæттæм рацыдыс-
ты: 85 кг – Казбек Гогиев (Мæхъхъæлы Республикæ), 90+ – Ибрагим Балкаров (Кæсæг-Балхъары Республикæ).
Æртæ кары дæр сæ уæзты уæлахиздзаутæ сбæрæг сты знон изæрæй, рахиз къухæй ерыстæ куы фесты, уæд. Хицæн спортсментæй уæлдай ма, бæрæггонд цæуынц командæты ’хсæн уæлахиздзаутæ æмæ призон бынæттæ бацахсджытæ.
Галиу къухæй ерысты фæстæ Ирыстоны командæ 1012 очкоимæ цыди 1-аг бынаты. Дыккаг бынаты цæуæг Хъæрæсе-Черкесты Республикæйы командæмæ уыд 262 очкойы, 3-аг бынаты уæвæг Дагестанмæ та – 235 очкойы.
Æрыгæттæ æмæ фæсивæдон кары спортсменты ерысты фæстæ райдай-
дзысты аслæг спортсменты чемпионаты тохтæ.
Ерысты бæрæггæнæнтæм гæсгæ, æвзæрст цæудзысты, Цæгат Кавказы федералон зылды номæй Уæрæсейы чемпионаты чи архайдзæн, уыцы цæнгдых нæлгоймæгтæ æмæ сылгоймæгтæ. Уырны нæ, Ирыстоны минæвæрттæ уыцы номхыгъды бирæйæ кæй уыдзысты, уый.
Баскаты Уырызмæг, къам систа
Татьянæ ШЕХОДАНОВА
