Паддзахадон автомобилон инспекцийы управлени æмæ районты хайæдты кусджытæ цы профилактикон мадзæлттæ аразынц, уыдонæй иу ацы бонты уыд Дыгуры районы. Фæндаггон инспектортæ акци «Сывæллон – сæйраг бæлццон» скодтой кинолекторийы хуызы.
Уый тыххæй фехъусын кодта Паддзахадон автомобилон инспекцийы цæгатирыстойнаг управленийы пресс-службæ.
ПАИ-йы инспектортæ фæндаггон адæмы урæдтой æмæ сын сæ зæрдыл лæууын кодтой, æнахъом бæлццæтты хæдтулгæтыл куыд ласын хъæуы, уый фæтк. Фæндаггон змæлды архайджыты æргом здæхт цыд, 12 азы кæуыл нæма сæххæст, уыцы сывæллæтты хæдтулæйыл æрмæстдæр сæрмагонд къæлæтджыны ласæн кæй ис, уымæ. Уыимæ, инспектортæ цæстуынгæ æрмæджыты фæрцы акцийы архайджытæн радзырдтой, сывæллæтты ласыны фæткы цы иуæй-иу ногдзинæдтæ фæзынд, уый тыххæй дæр. «Бацархайдтам хæдтулгæты хицæуттæм фæхæццæ кæнын акцийы сæйрагдæр хъуыды: дæ бæрны цы сывæллон ис, уый æдасдзинад алкæцы шофырæн дæр хъуамæ уа фыццаградон нысан», – бафиппайдта автоинспекцийы пресс-службæйы минæвар.
Фæндаггон службæйы кусджытæ хæдтулгæты хицæутты зæрдыл æрлæууын кодтой, æнахъомты ласыны фæтк халыны цауты тыххæй УФ-йы Административон æгъдаухæлдтыты фæдыл кодекс шофыртыл цы бæрнондзинад æвæры, уый дæр.
Дмитрий АСТАХОВ
