Политикон парти «Иугонд Уæрæсе»-йы Адæмон программæ æххæстгонд кæй цæуы, уый фæрцы æппæт бæстæйы скъолаты бынæттæ фæзындысты 1,1 милуан ахуырдзауæн.
Æдасдзинады æппæт домæнты аккаг чи у, ахæм нырыккон ахуыргæнæндæттæ аразгæйæ, парти ахуырад райсыны фæдыл сывæллæтты бар хъахъхъæны. Партийы Генералон советы нымæрдар Владимир Якушевы ныхасмæ гæсгæ, «Иугонд Уæрæсе»-йы æххуысæй регионты сарæзтæуыд 1714 скъолайы (уыдонæй 80 ахуыргæнæндоны – фарон). Ног объекттæ аразыны рæстæг æххæстгонд цæуынц удæнцойдзинад æмæ æдасдзинады æппæт иумæйаг нырыккон домæнтæ.
Æппæт бæстæйы 6,5 мин скъолайæ фылдæр бындуронæй цалцæггонд æрцыдысты. Чысыл хъуагæй 1600 ахуыргæнæндоны фарон скуыстой. Федералон бюджеты æххуысæй кæй сцалцæг кодтой, уыцы скъолаты фылдæр хай æрбынæттон хъæуты æмæ чысыл горæтты.
«Иугонд Уæрæсе»-йы фæндонæй 39 регионы райсдзысты скъолатæ бындуронæй сцалцæг кæнынæн хъæугæ дыууæ миллиард сомы бæрц æхцайы уæлæмхасæн фæрæзтæ. Пъланон бæрæггæнæнтæ æххæстгонд, стæй иннæ азмæ æмгъуыдтæ æргъæвд æрцыдысты æви нæ, æхцайы фæрæзтæ уарыны заман уыдæттæ банымайдзысты.
248 мин сабийæн бацæ-уыны фадат кæдæм ис, 2019 азæй фароны онг скуыстой 1700 ахæм рæвдауæндоны. Фарон 267 рæвдауæндоны бындуронæй цалцæггонд æрцыдысты (амынд рæвдауæндæттæй 134 объекты сцалцæг кодтой федералон бюджеты æххуысæй). Владимир Якушевы ныхасмæ гæсгæ, рæвдауæндæттæ сывæллæтты цæрæнуæттæм хæстæг ран цæмæй уой, «Иугонд Уæрæсе»-йы ног Адæмон программæ уымæ здахдзæн уæлдай фылдæр æргом.
Партийы Генералон советы уæнг, Уæрæсейы рухсады министр Сергей Кравцов куыд загъта, афтæмæй фарон бæстæйы фæндзай регионы (уыдоны ‘хсæн – Цæгат Ирыстон дæр) бындурон цалцæгкæнынады пълантæ æнæлазæй баххæст кодтой. Ацы аз регионты хъуамæ скусой 70 ногарæзт скъолайы æмæ 3 рæвдауæндоны. Бындуронæй цалцæггæнинаг сты 1109 скъолайы, 350 рæвдауæндоны æмæ 270 колледжы.
– «Иугонд Уæрæсе»-йы æххуысæй регионты байгом кодтам Хъæбатырты æртын мин партæйы. Проект «Хъæбатырты цæсгæмттæ»-мæ гæсгæ бæстыхæйтты къултыл кæнæм Хъæбатырты хуызджын нывтæ. Дыууын æртыккæгæм февралы – Фыдыбæстæ хъахъхъæнджыты бон – байгом кæндзыстæм Хъæбатырты ног партæтæ æмæ сæ нывтæ бæстыхæйтты къултыл. Уыцы бон райдайдзæн егъау адæмон акци «Уæлахизы ныв кæнæм»-ы ног хай, – загъта партион проект «Ног скъола»-мæ цæстдарæг, Паддзахадон Думæйы партион фракцийы разамонæджы хæдивæг Аленæ Аршинова.
– Ацы аз нæ республикæйы æртын æхсæз ахуыргæнæндоны (уыдонæй дыууын цыппар сты скъолатæ, фæйнæ æхсæз та – рæвдауæндæттæ æмæ астæуккаг профессион ахуырады объекттæ) бахастам бындурон цалцæгкæнынады прог-раммæмæ. Цалцæггæнинаг бæстыхæйттæн хъæугæ гæххæттытæ аразæм, – зæгъы Цæгат Ирыстоны Бындурон арæзтады управленийы хицауы хæстæ æххæстгæнæг Дзитойты Тимур.
– Куыст цæмæй æнæкъуылымпыйæ цæуа, уымæн «Иугонд Уæрæсе»-йы цæстдард ахъаз кæны. Губернатортæ, сæ регионы æххæстгонд куысты тыххæй докладтæ кæнгæйæ, партион цæстдарды ахадындзинад бафиппайдтой. Регионты разамонджытæ ахуырады системæ нывыл кæныны фæдыл проекттæ æххæст кæныны
хъуыддаджы кæй архайынц, уый бирæйыл дзурæг у. Цæгат Ирыстоны Сæргълæууæг, «Иугонд Уæрæсе»-йы регионалон хайады нымæрдар Сергей Меняйло дæр ацы хъуыддагмæ иудадзыг цæст дары, æмæ афтæмæй, ахуыргæнæндæтты бындурон цалцæгкæнынады прог-раммæ æнтыстджынæй чи æххæст кæны, нæ республикæ бахастой ахæм регионты номхыгъдмæ, – загъта партион проект «Ног скъола»-мæ регионалон цæстдарæг, нæ республикæйы ахуырады министры хæдивæг Дзанайты Марк.
Санаты Альбинæ
