Цæгат Ирыстоны Сæргълæууæг Сергей Меняйло йæ телеграм-каналы куыд фыссы, афтæмæй республикæйы Промышленносты райрæзты фонд
куыстуæттæн дарддæр æххуыс кæны.
Æртæ азмæ промышленнон программæтыл кæй бахардз кодтой, 500 мил-
уан сомæй фылдæры бæрц уыцы фæрæзты фæрцы куыстуæттæн уыд льготон æфстæуттæ райсыны, базæрондуæвæг кусæнгæрзтæ ногтæй баивыны æмæ 300 ног кусæн бынатæй фылдæр саразыны фадат.
Уыцы-иу рæстæг рес-публикæйы разамынд регионты ‘хсæн æмгуыстад рапарахат кæнынæн дæр ахъаз кæны. Хъæдæрмæгæй хæдзарон дзаумæттæ чи араз-дзæн, фарон форум «Æнæ арæнтæй коопераци»-йы архайгæйæ, Цæгат Ирыс-тон æмæ Республикæ Башкирийы минæвæрттæ бафидыдтой регионты ахæм фыццаг иумæйаг
куыстадон иугонд саразыныл (дыууæ республикæйæ ацы иугондмæ хау-дзæн æхсæз куыстуаты).
Уæрæсейы Промышленность æмæ базарады министрады регионалон программæты конкурсон равзæрсты фæткмæ гæсгæ, ацы аз фонд æхцайæ уæлæмхасæн ифтонгадæн кæй райсдзæн, 44 милуан сомæй фылдæры бæрц уыцы фæрæзтæ
хардзгонд æрцæудзыс-ты инвестицитыл, стæй куыстад фæнывыл кæныны æмæ ног кусæн бынæттæ саразыны хъуыддæгтыл.
Фонды æххæстгонд мадзæлттæ ахъаз кæнынц республикæйы промышленносты рæзтæн æмæ экономикон уавæр фæфидар кæнынæн.
Нæ уацхæссæг
