Цæгат Ирыстоны хъæды фæзуæттæ ногæй саразын æмæ сæ бахъахъхъæныны фæдыл куыст дарддæр цæуы.
Ацы аз республикæйы территорийыл ныссадзынмæ хъавынц алыхуызон бæлæсты – сырх тулдзы, кæрзы, æнгуз æмæ тæрсы – 65 мин талайы. Ногсагъд талаты фæзуат бацахсдзæн 45 гектары.
Нæ хæс у уæлдæф сыгъдæг кæнынæн æмæ адæймаджы æнæниздзинад фидар кæнынæн ахъазгæнæг æрдзон хъæд фидæны фæлтæртæн бахъахъхъæнын. Талатæ садзыны куыст æххæстгонд цæуы национ проект «Экологон фæрныгад»-мæ гæсгæ. Æрвылаз ацы куысты архайынмæ рацæуынц канд хъæды хæдзарады специалисттæ нæ, фæлæ бархионтæ æмæ сывæллæттæ дæр. Талатæ садзыны куысты архайæг адæймæгты фæнды Райгуырæн бæстæйæн исты хорздзинад скæнын.
Нæ уацхæссæг
