Нæ республикæйы паддзахадон телерадиокомпани «Алани» куыд фехъусын кодта, афтæмæй 1944 азы фæмард-уæвæг танкист Къорнаты Алексейы ном сæнусон кодтой музейон комплекс «Номарæн фæндаг»-ы.
Дигорайæ рацæуæг кæстæр лейтенант йæ цард нывондæн æрхаста Украинæйы Винницæйы облæст, фашистон æрдонгтæй сæрибар кæныныл тохы рæстæг. 1941 азы августы æфсадмæ кæмæ фæсидтысты, уыцы лæппу ахста 31-æм танкон корпусы 100-æм бригады Т-34 танчы командиры бынат. Амынд облæсты Зозовы хъæуы чи ис, Советон Цæдисы рæстæг хъæбатыры уыцы ингæн хи-уæттæ бабæрæг кодтой, фæлæ ныртæккæ Украинæйы рæбинаг регионы æрбынæттонуæвæг уæлмæрды уавæры тыххæй хабар базоныны фадат нæй.
Æнусонкæнынады æппæтуæрæсеон бархион, музыкалон-рухстауæн, ахуырадон, наукон æмæ хызæгон проект «Россия #Юг#Победа#Помним»-ы
разамонæг, бæстæйы Æфсæддон-историон æхсæнады уæнг, Уæрæсейаг æрдззонынады академийы профессор Павел Беккерман куыд фехъусын кодта, афтæмæй Къорнаты Алексейы цыбыр биографи бацæттæ кодтой Хъахъхъæнынады министрады центрон архивы æрмæджытæм гæсгæ амынд проекты архивон-агурæн куысты бæрæггæнæнты фæрцы.
«15-æм регион»
