Рæзгæ фæлтæры уæлæмхасæн ахуырады хъуыддаджы ахсджиаг нысаниуæг ис сæрмагонд центртæ «Рæзты тæлмытæ»-н. Цæгат Ирыстоны хъæууон скъолаты абоны онг байгом кодтой 138 ахæм ахуырадон центры.
«Рæзты тæлмытæ» æрвылбоны фæткыл кусынц скъолаты дæлбар, уæлæмхасæн зонындзинæдтæ та сæ райсынц мингай ахуырдзаутæ. Дæсны специалисттæ сывæллæттæн амонынц программисты дæсныйады сусæгдзинæдтæ, нымæцон технологиты бындуртæ, стæй сын, кæй зæгъын æй хъæуы, дæттынц бæстондæр зонындзинæдтæ скъолайы программæйы предметтæй дæр. «Рæзты тæлмыты» хъомылгæнинæгтимæ бынæттон специалисттæй уæлдай, кусынц республикæйы уæлдæр ахуыргæнæндæтты лектортæ дæр.
«Рæзты тæлмытæ»-н сæ сæйрагдæр нысан у хъæууон скъоладзауты ахуырадæн нырыккон æмæ æппæтвæрсыг фадæттæ аразын. Центортæ байгом кодтой национ проект «Ахуырад»-ы уагæвæрды бындурыл. Ацы азæй фæстæмæ та амынд нысаныл архайд адарддæр уыдзæн национ проект «Фæсивæд æмæ сывæллæттæ»-йы фæлгæты.
Нæ уацхæссæг
